"Normalmente iha oitavu governu ida-ne'e, iha pedidu 500 ne'ebe enkamiña mai iha IJE, kuaze iha teritóriu laran tomak, husi autoridade lokal sira, eh 300 ital pedidu maka ami rezolve ona, sei hela 200 itál", dehan Prezidente IJE.ip, Hermenegilda da Costa Laurentina iha Salaun Delta Nova, kinta (24/11).
Pedidu balun seidauk finaliza, tanba IJE nia kondisaun mákina pejadus limitadu, maibé ba tinan oin, sei iha tán planu rasik atu atinje normlizasaun ba situasaun sira, liliu nafatin apoiu ba pedidu hirak ne'ebé iha ona.
"IJE iha ona planu di'ak atu atinje metas ne'ebé servisu bazeia ba orsamentu ne'ebé alokadu", nia hatete.
Tanba, iha nia papel importante rua ba servisu nian, dahuluk halo poupansa ba orsamentu estadu nian no ida seluk buka reseita ba estadu.
Maibé, meiu atu buka reseita ba kofre estadu mak liuhusi fo aluga mákina pejadus ba kompaña privadu sira no IJE mos iha fatin ida produs britas ne'ebe iha Natarbora, hodi fa’an ba kompaña sira ne'ebe presiza britas bainhira kaer projetu, entaun kompaña sira bele ba sosa de'it iha IJE.
"Kompaña sira ne'ebe mai atu aluga iha tempu udan, ida-ne'e ami tau ba iha segundu kestoens, eh tempu udan ita haree liubá komunidade sira-nia presiza, liliu nesesidade no kondisoens sira ne'ebe afetadu, ami tenke ba fo apoiu lai ba komunidade sira, depois aluga ne'e ami sei pendente, enkuantu udan para ona ami sei kontinua fali ba iha aluga", afirma nia. (*)