"Ho kondisoens udan ne'e, ami-nia ekipa preparadu, saida mak IJE prepara intermus de rekursu umanu, ami-nia operadór sira, mekániku sira no mákina pezadus, ida-ne'e mak ami preparadu atu atende kondisaun sira ne'ebé emerjénsia", dehan nia iha salaun Delta Nova, kinta (24/11).

Tuir nia, IJE nia papel ne'ebe importante ba servisu ne'e iha oin rua, primeiru mak halo poupansa ba Orsamentu Estadu nian, no ida seluk buka reseita ba estadu.

Tanba ne'e, ko'alia kona-bá situasaun udan ne'e sai hanesan protidaun IJE atu prepara ekipa servisu hamutuk ho komunidade sira destaka iha munisípiu sira inklui mós Dili.

Maibé, kona-ba servisu ne'ebé IJE hala'o ne'e la'os iha tempu udan de'it, maibé atividade diária hala'o kada lorloron iha terenu, tanba ekipamentu pejadus ne'ebe IJE iha hamutuk 70-resin, ne'ebe dadaun destaka hotu ona iha teritóriu laran tomak.

"Ami-nia mákina foun ne'ebe governu Timor-Leste hola iha tinan ida-ne'e, dadaun hala'o ona normalizasaun ba mota nomos normaliza tore sira ne'ebe fo ameasadu ba komunidade sira iha teritóriu laran tomak", nia saliénta.

Nune’e, ekipa intervensaun dadaun destaka hela iha munisípiu Baukau, Vikeke, Lautém inklui área Natarbora, Mota Laclo, Camea-Darnia no destaka mos ba preparasaun loron komemorasaun 28 fulan-novembru iha Manatutu.

Aleinde ne’e, ekipa ida mos iha hela Lolotoe, Bobonaro, nomos balun kobre hela akontesimentu situsaun inundasaun foin dadaun iha Kailaku, iha Atauro, hodi halo preparasaun ba atividade festival inklu iha Metinaru. (*)