Print this page

Governu Haruka Grupu Le-Ziavel ba Partisipa Festival Kulturál iha Índia

By November 24, 2022 438
Grupu Le-Ziavál ne'ebé prepara hela atu aranka ba Índia, salaun SEAK, kinta (24/11). Grupu Le-Ziavál ne'ebé prepara hela atu aranka ba Índia, salaun SEAK, kinta (24/11). Foto Suplay

Tempotimor (Dili)-Governu Timor-Leste liuhusi Sekretaria Estadu Arte no Kultura, Teofilo Caldas haruka Grupu Le Ziaval atu ba partisipa iha eventu festival kultural iha India.

Sekretariu Estadu Arte no Kultura, Teofilo Caldas, hatete, eventu ne'e nasaun Índia mak responsável ba akomodasaun ba fundasaun Le-Ziavel hodi reprezenta nasaun Timor-Leste iha Índia.

"Eventu festival kultural ne'e, governu la prevee orsamentu kustu hotu-hotu husi Governu india mak responsabiliza grupu Lezival na’in-12 mak ba partisipa durante loron hitu no bele estende tan, karik Grupu ne’e tama iha selesionadu, nia iha prolongamentu ba loron 7 to’o 10 atu bele kontinua aprezentasaun", dehan nia iha salaun SEAK, kinta (24/11).

Festival ne'e, partispantes mai husi Nasaun Komunidade Lian Portugés (CPLP -sigla Portugés) hanesan Portugal, Brazil, Angola, Moçambique, Guine Bissau, Cabo Verde, São Tome e Prinsipe, Macao no Timor-Leste.

"Grupu kultura Le-Ziaval sira atu ba partisipa eventu internasional iha India, ida ne'e servisu hamutuk ho MNEK no MNEK kanaliaza mai sira halo selesaun ba grupu tolu ne'ebe Le-Ziaval mak ita eskolla hodi reprezanta Timor-Leste ba partisipa iha eventu ne'e", nia afirma.

Maibé, programa ne’e, governu la prevee orsamentu, tanba kustu hotu-hotu mai husi Governu india mak responsabiliza durante loron hitu no bele estende tan karik Grupu ne’e tama iha selesionadu.

"Dia 28 agora sira aranka ona ba india, hanesan Governu ita hamutuk ho inan-aman no Grupu Le-Ziaval promove ita nia identidade kultural liu husi ita nia jerasaun foun sira, tanba sira mak futuru nasaun nian, tenke aprezenta buat ne'ebe mak di’ak", nia hateten.

Rezentante Inan-aman,Veríssimo Lopes, sente orgullu tanba sira ba hatudu identidade kultura Timor nian ba iha mundu, atu mundu bele koñese maske situasaun modernu ona, maibé kultura  sira sei tane-aas nafatin.

"Husu nafatin ba ita nia Governu no estadu, atu nafatin tau matan ba kultura, tanba ita Timor nee ne'ebe tenke promove nafatin sira no fo nafatin konfiasan ba sira atu espresa sira nia Talentu ba mundu Internationál", nia husu.

Grupu kultura Le-Ziaval atu ba partisipa eventu internasional iha India ne'e, servisu hamutuk ho Ministéiru Negósiu Estranjeiru no Kooperasaun (MNEK), nune'e halo selesaun ba grupu tolu ne'ebe inklui Le-Ziaval mak governu hili atu ba reprezenta nasaun Timor-Leste iha eventu Luzofóna.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items