Sekretáriu Estadu Kooperativa (SEKOOP), Elizário Ferreira, afirma, durante ne'e kooperativa produsaun sira hetan ona formasaun, nune'e iha tinan 2023 oinsá atu hakbi'it kooperativa no habelar merkadu ba produtor sira.
"Tanba, hahú iha tinan 2020, ita iha faze deziminasaun informasaun no formasaun no iha 2021, ita faze edukasaun e mobilizasaun no iha tinan 2022, iha faze de arantes halo komerisalizasaun, iha kooperativa, tanba ne’e iha semináriu barbarak eh tinan 2023, ita hakarak aselera kooperativa ba oin", nia afirma iha Salaun Thower Timor Fatuhada, Tersa (22/11).
Tanba, husi semináriu ne'e, ho hanoin atu reforsa kooperativa produsaun grupu produtivu, ne'ebé koopera iha área negósiu agro-komersiu, agro-turizmu, agropekuária no seluk tán, atu halo produsaun kualidade, kuantidade no sustentabilidade hodi responde ba demanda ba merkadu nian.
Nune’e, SEKOOP hakarak kooperativa sai instituisaun ida no simu kualker ema ne'ebé iha vontade envolve iha setór kooperativa.
"Partidu polítiku se de'it mak atu manán, sei la halakon setór kooperativa, tanba planu estratéjiku dezenvovimentu realizadu hetan ona apresiasaun husi Minístru", nia akresenta.
Nia dehan, setór kooperativa iha vantajen no dezvantagem, maibé kontinua dezenvolve hodi hatan ba merkadu sosial no kreativa, tanba iha espíritu kooperativismu hatudu solidariadade iha ámbitu dezenvolvimentu ekonomia sustentavel mak haburas servisu hamutuk no tulun malu.
Sorin seluk, Vise Minístru Komérsiu no Industria, Domingos Lopes Antunes, hatete, kooperativa setór importante ida independente ne'ebé sei hamriik mesak iha futuru mai.
"Kooperativa ne'e pillar ida ke importante hanesan forma ekonómia sosiál hakarak promove, ha'u hanoin ho formasaun ho forma ida ne'ebé koopertiva bele hanesan medida ida, ne'ebé tuir lei katak ema servisu hamutuk", dehan nia
Formasaun ne'e, atu hametin kultura kooperativa nian karakteriza ho nia esforsu rasik, tanba ema barak serbisu hamutuk sei fo nia efeitu ba ekonómia.
"Ha'u hanoin formasaun ne'e importante ba ita ne'ebé serbisu mutualis, tanba formasaun ne'e mak ha'u partisipa ba iha kooperativa atu promove iha futuru", dehan nia. (*)