"Ba Kooperativa sira, oinsá kreativu hodi dezenvolve produtu rai osan, produtu imprestimu, e produtu de produsaun, ida ne'e mak objetivu prinsipál husi semináriu ne'e, atu kontribui ba governu nia programa ida naran ema mak Sentru ba dezenvolvimentu no dezenvolvimentu ekonomia kreativu", dehan nia iha Salaun Katedral Vila Verde, segunda (21/11).
Dadaun kooperativa produsaun sira iha Timor-leste sei iha faze promosaun no organizasaun, seidauk tama iha faze ba dezenvolvimentu nian.
"Tanba ne'e, sira nia dezenvovimentu iha kooperativa produsaun depende de'it ba ema seluk durante tinan 20-resin, kuandu ema fo osan mak sira moris, ema la fo osan sira mate, tanba ida ne'e mak SEKOOP fó liu importánsia asegura sustentabilidade instituisionál, finanseira no asegura ekonómia", nia afirma.
Tanba, liu husi formasaun bele haforsa kooperativa produsaun hodi garante sustentabilidade sira nia instituisaun.
Direitora Nasionál Edukasaun Formasaun no Informasaun NDEFI, Jacinta dos Santos, hatete, haburas ekonomia iha família no sosiedade, atu motiva no insentiva movimentu kooperativa hodi bele kreativu liu tán iha vida ekonómia nian.
"Semináriu nasionál hala'o ho objetivu atu dezimina informasaun kona-ba kooperativa motiva no insentiva ba kooperativismu sira atu bele habelar ba iha área produtiva hodi haburas ekonomia iha família no sosiedade", nia dehan.
Tanba ne’e, formasaun tarjetu ba dirijente husi kooperativa sira iha Munisípiu Dili inklui Universit’ariu no Institutu sira.
Nune’e, atividade organiza husi Sekretária Estadu Kooperativa SEKOOP, ne’ebé liuhusi Dirasaun Nasionál Edukasaun Formasaun no Informasaun NDEFI ho Thema Koperativa nu'udar espíritu dezenvolvimentu ekonomia kreativu família no sosiedade. (*)