Login to your account

Username *
Password *
Remember Me

SEKOOP Klarifika Kompaña Fahe De’it Cesta Bázika item-7 iha Kelikai

Produtu ne’ebé distribui ba benefisiáriu programa Cesta Bázika iha Suku Makalaku. Produtu ne’ebé distribui ba benefisiáriu programa Cesta Bázika iha Suku Makalaku. Foto Suplay

Tempotimor (Dili)-Prezidente Distribuisaun Cesta Bázika husi Sekretária Estadu Kooperativa (SEKOOP), Tomas Gusmaun, klarifika, Kompaña Vertude Lorosa'e Unipessoal Lda distribui de’it ai-han lokál item-7 ba benefisiáriu iha Suku Makalaku, Postu Administrativu Kelikai, Munisípiu Baukau, tanba iha konkordansia ho autoridade lokál.

Tuir lolos Item Cesta Bázika, Kompaña distribui ba benefisiáriu iha Makalaku hamutuk 18, maibé Xefe Suku sira mak husu atu reduz tiha itm balun, ne’ebé la dun importante, nune’e kompaña mós distribui tuir rekomendasaun.

"Kona-ba kuotasaun kompaña Vertude Lorosa'e Unipessoal Lda ne'ebé fahe Cesta Bázika iha Kelikai, Suku Makalaku ho Suku seluk tan, sei tuir mai kuotasaun inisia ne'e sira ba konsulta Xefe Suku ho Xefe Aldeia iha ne'ebá, Suku lima iha ne'e asina hotu sira konkorda produtu sira hanesan, talas, fehuk ropa, ikan maran, liis mean ho mutin, koto, kotonurak, hudi ne'e hasai tiha", dehan nia bá www.tempotimor.com iha nia servísu fatin Akait, segunda (21/11).

Tanba, molok fahe haha lokál ba komunidade iha Suku Makalaku, kompaña Vertude Lorosa'e Unipessoal Lda hala’o uluk enkontru ho autoridade lokal atu hasai item balun no hasa'e fali item fós mina, rinso no seluk tán.

Nune’e, hetan mós rekoñesimentu husi autoridade nasionál hanesan administrador postu katak, kompaña Vertude Lorosa'e sei fahe de'it item-7 ne'ebé importante ba komunidade Suku Makalaku

Nune'e totál item ne'ebé mak fahe ba komunidade suku Makalaku walu de'it maibé totál orsamentu iha item fahe ba komunidade nafatin to'o $50 ba kada sidadaun ida.

"Sira husu para hasa'e iha fós lokál, detejent líkidu ho sabonete, ne'e asina iha karimbo ne'ebé ami iha koñesimentu, ha'u mak aprova duni kuotasaun, maibé nia hasa'e fós ba 12kg, ne'e komunidade mak hakarak, la'ós ami mak haruka, tanba sira mak simu no sira mak han", nia esklarese.

Nune'e Xefe Suku Makalaku, Julio Marques Belo, hatete, molok fahe hahán lokal ba komunidade sira, nia parte halo uluk enkontru ho komunidade, nune'e komunidade sira kontente mak foin kompaña distribui.

"Ohin husu tiha komunidade Makalaku katak, item ne'ebé fahe ba sira ne'e, sira aseita, nune'e ohin fahe ona ba sira", nia afirma

Antes ne’e, komunidade Aderito Hugo Marcal ne'ebé publika iha ninia pájina (Facebook) halo kritika ba kompña, ne’ebé distribui hahán lokál ba benefisiária iha Makalaku ho item-7, tanba nia konsidera ne’e la justu.

"Cesta Basica (osan US$50 dolár), ne'ebé distribui ba kada ema ida iha Suku Makalaku, Postu Administrativu Kelikai, Munisípiu Baukau, ne’ebé fahe husi kompaña Vertude de Lorosa'e, Unipessoal Lda, mak tuir mai ne'e; 1. Fós Timor 12 kilo gram (Kg), 2. Sabaun Citra 8, 3. Batar fahi 1 Kg, 4. Mina Litru-ida, 5. Kafe 1 Kg, 6. Detergent fase roupa 1 L, 7. Na'an Karau Isin 1 Kg, ruin 1/2 Kg.

Maibé, tuir informasaun ne’ebé nia asesu husi na’in ba kompaña no tekniku sira katak, sasan sira ne'e, rekoñese husi Comisaun Anti Corupsaun (CAC) no Providoria Direitus Humanos da Justisa (PDHJ). (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter