"Ministériu Interior fo orden para blokeia dalan ruma iha ne'e, para sira orsida ba fali iha jardin 5 de maio nian, eh ha'u espera sira kompriende ida-ne'e", dehan PM Taur liuhusi debate espesialidade ba proposta OJE 2023 iha plenaria PN, kuarta (16/11).
Deputadu Bankada KHUNTO, António Verdial simu ona karta ida husi Reitor UNTL, João Soares Martins ne'ebe ko'alia kona-ba asaun pasifika husi grupu AMN hamutuk ho estudante universitariu sira ne'ebe hala'o iha resintu UNTL oin ne'e, laiha koiñesimentu husi UNTL.
"Informasaun kona-bá manifestasaun pasífika ne'ebe hala'o husi grupu Aliansa Maubere Nasional iha resintu UNTL, kompostu husi reprezentante estudante UNTL no balun husi universidade privadu sira seluk, nomos ema publiku balun ne’ebe hahú iha loron 7 fulan-novembru to'o agora laiha koiñesimentu husi UNTL", dehan nia
Tanba ne'e, iha loron 8 fulan-novembru, UNTL mos hala'o ona intervensaun direta ba asaun AMN, tanba prejudika prosesu aprendijazen, ne'ebe tama ona ba faze ezame semestral ninian.
Maibé, ho prezensa manifestsaun husi grupu AMN iha resintu UNTL, fo perturbasaun total liuliu atividade universidade nian nomos implika ba funsionáriu servisu iha universidade. (*)