Login to your account

Username *
Password *
Remember Me

Governu Apresia Servisu Kompaña Telkomcel iha Timor-Leste

Logo Telkomcel. Logo Telkomcel. Foto Suplay

Tempotimor (Dili)-Governu liuhusi Sekretáriu Estadu Komunikasaun Sosiál SEKomS, Mericio Juvinal “Acara” apresia ba kompaña telkomcel ne'ebé sai parseiru di'ak ho Governu hodi apoiu área komunikasaun iha Timor-Leste.

"Telkomcel sai ita nia parseiru di'ak, investór importante ida iha área komunikasaun eh mós fo apresiasaun boot ba ita nia embaixador Indonézia iha Timor ne'ebé mós sai parseiru viziñu di'ak, tanba sira mós agora apoiu media liuliu jornalista sira, tanba ne’e ha'u reprezenta governu mai atu fo apresiasaun ba koopesaun ne'e", nia apresia hafoin partisipa semináriu ne'ebé realiza iha Salaun Pusat Budaya Indonézia, tersa (15/11).

Nune’e, husu mós ba kompaña telkomcel atu kontinua halo instalasaun ba rede internet iha territóriu Timor laran tomak ne'ebé mak seidauk deskobre husi Kompaña.

"Maske, ita iha difikuldade entermos infrastrutura no internet la'o neneik liu, depois karun, maibé operador sira liu-liu telkomcel fasilita internet mai ita, maioria ita uza fasilidade internet, ne'ebé fornese husi telkomcel ne'ebé ha'u hakarak dehan dala ida tan, operadores sira ne'e tulun duni ona ita, durante ne'e ita halo atividade, Governu ne'ebé kontinua halo nia kualidade di'ak liu tan", nia afirma.

Tuir komunikadu ne'ebé www.tempotimor asesu husi Telkomcel katak, kompaña hala'o nia operasaun iha Timor-Leste durante tinan 10 ona no nafatin hatudu komitementu hodi kontribui ba dezenvolvimentu.

"Telkomcel iha komitementu nafatin kontribui ba dezenvolvimentu nasaun Timor-Leste liuhusi telekomunikasaun, rekursu umanus, desportu, turizmu no sosiu kultura sosiedade Timor-Leste", haktuir iha komunikadu.

Tanba, iha intensaun ida hakarak serbi ho domin no sai nu'udar espíritu servisu iha kada loron atu bele kontinua kontribui ba povu iha Timor-Leste.

Tanba ne’e, Governu nia responsablidade atu fasilita no moderniza telekomunikasaun iha Timor-Leste mak, hahú halo ona projetu boot vibra optika, ne’ebé atu aselera internet sai baratu no lalais liu, nune’e tuir planu sei remata etapa dahuluk iha tinan 2023 no 2024 nia laran. (*)

Rate this item
(0 votes)
Last modified on Tuesday, 15 November 2022 21:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter