"Kona-bá manifestasaun, agora kala sira hakilar fali ona iha ne'ebá, horseik kala polísia atua tiha, entaun agora sira kala abuza tan de'it, abuza e provoka reasaun mais propriu," dehan hatete Prezidente PN, liuhusi debate espesialidade ba proposta OJE 2023, iha plenária PN, tersa (15/11).
Parlamentu Nasional, la bandu sidadaun sira halo manifestasaun no bele halo iha fatin ne'ebé de'it, maibé nia distansia tenke dok husi Parlamentu Nasional, metru atus-ida.
"Manifestasaun la'os atu insulta, satán ho akuzasaun sira na'ok ten, ne'e la'os ba deputadu de'it mais parlamentu tomak ne'e A to'o Z, sira dehan ne'e na'ok ten, Bom horseik polisia atua tiha ona", nia afirma.
Nune’e, fo hanoin ba deputadu sira hotu iha plenaria laran, tenke ho hanoin ida atu deskute lei foun ho urjensia kona-ba situasaun ida-ne'e.
"Krime ida serake ita hein to'o devizaun kódigu penál, ita mak halo lei, ita mak lejislador haree tok pontu ida-ne'e," nia hatete. (*)