Diretora Nasionál Edukasaun Formasaun no Informasaun NDEFI, Jacinta dos Santos, hateten, objetivu formasaun atu halo kompleta formasaun bázika Kooperativa ne'ebé antes ne'e simu ona husi SEKOOP.
"Tuir formasaun ne'e Kooperativa 13 no sira ne'e Kooperativa foun hetan ona formasaun bázika ba Kooperativa koñesimentu, agora sira mai kontinua aprende akontabilidade", dehan nia iha Salaun Esperansa Delta, segunda (14/11).
Tanba, atu hakle'an sira nia koñesimentu hodi hadi’a sira nia jestaun akuntabilidade ba finanseiru iha sira nia Kooperativa.
Nia haktuir, formasaun ne'e ba Kooperativa foun, maibé iha mós Kooperativa tuan sira husi Aileu no Vikeke ne'ebé hakarak envolve iha laran.
"Iha Aileu rua, Vikeke ida, loloos ne'e la tama, maibé tanba sira besik iha ne'e ne'ebé sira hakarak submete, tanba sira Kooperativa osan boot ona sira presiza jestaun ne'ebé di'ak, tanba tanba ida ne'e mak sira hakarak atu tuir", nia haktuir
Movimentu Kooperativa hamutuk 53 mak hanesan, Kooperativa Difisiénsia Matan, MOF, We'e Matan moris ba futuru, Kooperativa Nabilan husi UNTL, Kreditu Vikeke, Kreditu Uniaun Venilale, Feto emprendedorizmu, CUV, Ita nian, Feto Area Rural, nune'e Formasaun akontabilidade ba Movimentu Kooperativa ne'e hala’o durante loron haat. (*)