"Rezultadu votasaun afavor 61, kontra 0 no abstensaun ida, nune'e proposts OJE 2023 ba Prezidensia Repúblika aprovadu,"Prezidente Parlamentu Nasionál (PN), Aniceto Longuinhos Guterres Lopes, anúnsia rezultadu votasaun iha deskusaun no aprovasaun espesialidade ba proposta OJE 2023, iha plenária PN, kinta (10/11).
Nune’e, orsamentu millaun US$12,088.413 ne'e sei finansia ba programa lima, dahuluk programa estadu direitu demokrátiku prevee rihun US$238.987, daruak programa boa governasaun no jestaun instituisionál prevee millaun US$7,658.859.
Datoluk, programa promove identidade nasionál prevee millaun US$1,009.378, dahat programa reforsa relasaun no kooperasaun internasionál prevee millaun US$1,361.189 no ikus liu programa dezenvolvimentu inklusivu no sustentavél prevee millaun US$1,820.000. (*)