Login to your account

Username *
Password *
Remember Me

Ohin, PN Hala'o Diskusaun ba Proposta Lei OJE 2023 iha Espesializade

Deputadu sira iha PLenaria PArlamentu Nasional. Deputadu sira iha PLenaria PArlamentu Nasional. Foto Suplay

Tempotimor (Dili)-Parlamentu Nasionál (PN) ohin, Loron kinta (10/11) hala'o diskusaun no votasaun ba Proposta lei Orsamentu Jerál Estadu (OJE) nian ba tinan 2023 iha espesialidade ne’ebé hahú husi loron 10 fulan-novembru to’o loron 18 fulan-novembru tinan 2022.

Tanba diskusaun Proposta lei Orsamentu Jerál Estadu nian ba tinan 2023-Parlamentu Nasionál sei hahú debate, iha loron 7 fulan-novembru tinan 2022, no hetan votasaun iha jeneralidade iha loron 9.

Nune’e kontinua ba diskusaun no votasaun iha espesialidade hahú iha loron 10 fulan-novembru no sei hanaruk to’o loron 18 fulan-novembru tinan 2022).

Hafoin apresiasaun iha espesialidade ba artigu sira hotu husi proposta lei ne’e, sei hala’o votasaun finál globál kona-ba testu husi proposta lei ne’e ho alterasaun sira ne’ebé hetan ona aprovasaun.

ba dokumentu final-Lei Orsamentu Jerál Estadu nian ba tinan 2023-sei haruka ba Prezidente Repúblika, atubele hetan promulgasaun.
Proposta lei ne’e Governu haruka ba Parlamentu Nasionál, iha loron 3 fulan-outubru.

Diskusaun OJE iha Jeneralidade Parlamentu Nasionál (PN) aprova ona Proposta-lei OJE tinan 2023 ho montante billaun US$3-resin.

Hafoin aprovasaun iha Jeneralidade, Primeiru Ministru (PM), Taur Matan Ruak agradese tebes ba Parlamentu Nasionál ne’ebé konsege aprova ona OJE iha faze jeneralidade hafoin debate durante loron tolu nia laran.

“Governu agradese no rejista preokupasaun no kontribuisaun hothotu, ne'ebé deputadu no deputada sira aprezenta durante diskusaun loron tolu iha jeneralidade”, nia afirma liuhusi debate jeneralidade loron datoluk ba proposta OJE 2023, iha plenária PN, kuarta (09/11).

Maibé, Governu kompromete sei kontinua halo esforsu, hodi partisipa ativamente iha diskusaun OJE 2023 durante espesialidade to'o votasaun finál global.

Prezidente Parlamentu Nasionál (PN), Aniceto Longuinhos Guterres Lopes mós agradese ba Governu daualu nia partisipasaun no kolaborasaun, inklui ba deputadu sira, tanba espresa ona votus iha prosesu votasaun ba proposta OJE 2023 iha jeneralidade.

“Rezultadu votusaun afavor 40, kontra 0 no abstensaun 24, nune'e proposta OJE 2023, pasa iha jeneralidade", nia anunsiu hafoin taka debate jeneralidade ba proposta OJE 2023, iha plenária PN.

Husi Proposta lei númeru 46/V (Va) orsamentu jeral estadu 2023 ne'ebé aprovadu iha jeneralidade maka meza deklara hakat ba diskusaun no aprovasaun espedialidade no tuir ajenda sei hala'o iha loron kinta (10/11) lorkra'ik tuku 03:00 otl.

Parlamentu mós deklara atu bankada parlamentar hothotu tenke aprezenta proposta sira ba meza tuir giaun 2.2 ne'ebé meza fó sai ona katak, prazu ne'e to'o de'it iha tuku 19:31 no liu ida-ne'e maka proposta rejeitadu.

Purtantu, despeza global nian ne'ebé governu prevee iha proposta OJE 2023 hamutuk, US$3,156,922.141 no despeza ba seitor públiku administrativu US$3,155,715.306 ne'e inklui mos fundu kombatente libertasaun nasionál no orsamentu segurnsa sosiál no rejiaun administrativu Espesiál Oekussi Ambeno (RAEOA). 

Nune'e, despeza ba serbisu no entidade administrasaun sentral ne'e ho montante billaun US$2.8 no despeza sira ne'ebé prevee ba seguransa sosial ho valor millaun US$ 235.7 inklui mós RAEOA ho montante millaun US$120. (*)

Rate this item
(0 votes)
Last modified on Thursday, 10 November 2022 12:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter