Print this page

MAPKomS Sei Entrega Ekipamentu Komunikasaun ba Suku Belulik-Leten

By November 09, 2022 290
Ekipamentu ne’ebé MAPKomS sei entrega ba Suku Belulik-Leten. Ekipamentu ne’ebé MAPKomS sei entrega ba Suku Belulik-Leten. Foto Suplay

Tempotimor (Dili)-Ministériu ba Assuntu Parlamentár no Komunikasaun Sosiál (MAPKomS) liuhusi Diresaun Nasional Promosaun no Dezenvolvimentu Media Lokál (DNPDML) deside sei entrega ekipamentu komunikasaun no mobiliráriu informasaun ba suku Belulik-Leten, Postu Administrtivu Fatumea, Munisípiu Kovalima, iha tempu besik.

Tuir informasaun ne'ebé www.tempotimor.com asesu husi pajina ofisial DNPDML-MAPKomS katak, fasilidade hirak ne'e dadaun sosa ona no sei entrega ba Suku Belulik-leten, nu’udar meiu ida atu kooresponde ba planu Ministeriu Asuntu Parlamentár no Komunikasaun Sosiál kona-bá atu harii Sentru Informasaun Suku iha suku Belulik-Leten.

Prosesu sosa ekipamentu eletróniku mobíliariu no Komunikasaun Sosiál hirak ne’e, hetan akompaña husi Xefe Suku Belulik-Leten, Quintinho José Amaral ho ekipa husi Xefe departementu Apoiu Programa Naroman ba Suku-DNPDML-MAPKOMS, Alberto da Costa Ribeiro no ekipa tékniku seluk iha loron tersa-feira 8 fulan-novembru tinan 2022.

Ekipamentu mak hanesan, komputadór, laptop, kamera, projetór, ice record, sound system, parabola, televizaun no ekipamentu importante sira seluk tan.

Totál Orsamentu ne’ebé aloka ba suku Bee Lulik-Leten hodi sosa ekipamentu hirak ne'e hamutuk, rihun US$7,245.00. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items