Prezidente Parlamentu Nasionál, Aniceto Longuinhos Guterres Lopes hatete, debate ba proposta OJE 2023 ida-ne'e laiha programa ida mak sein orsamentu, tanba ne'e, PN ho Governu sei hala'o debate OJE iha jeneralidade tuir prosedimentu no rejimentu PN.
“Tanba ne'e ha'u deklara aberta, ohin ita hala'o debate jeneralidade ba proposta lei OJE ba tinan 2023 nian”, Nia esklarese hafoin loke debate jeneralidade dahuluk ba proposta OJE 2023 iha plenária Parlamentu Nasionál, segunda (07/11).
Tuir Despeza globál nian, US$3,156,922.141 no deseza ba setór públiku administrativu US$3,155,715.306 inklui fundu kombatente libertasaun nasionál no orsamentu segurnsa sosiál no rejiaun administrativu Espesiál Oekussi Ambeno (RAEOA).
Nune’e mós despeza ba serbisu no entidade administrasaun sentrál ne'e ho montante billaun US$2.8 no despeza sira ne'ebé prevee ba seguansa sosiál ho valór millaun US$235.7 inklui mós RAEOA ho montante millaun US$120.
Purtantu debate proposta lei OJE 2023, ne'e aprezenta direta husi Primeiru Ministru, Taur Matan Ruak no hetan akompaña husi membru Governu sira inklui Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, iha plenária PN.
Aleinde deputadu bankada parlamentar sira ne'ebé marka prezensa iha debate ne'e, mak Bankada FRETILIN na'in-23, Bankada CNRT na'in-21, Bankada PLP na'in-8, Bankada KHUNTO na'in-5, Bankada PD na'in-5, Bankada PUDD na'in-1, Bankada Frente Mudansa na'in-1, no Bankada UDT na'in-1. (*)