Login to your account

Username *
Password *
Remember Me

Parlamentu Nasional Mantein Sosa Karreta ba Deputadu

Vise Prezidente Parlamentu Nasionál (PN), Maria Angelina Sarmento. Vise Prezidente Parlamentu Nasionál (PN), Maria Angelina Sarmento. Foto Suplay

Tempotimor (Dili)-Parlamentu Nasionál deside mantein sosa kareta foun 35 ba deputadu sira, tanba mandatu konstituisionál mak haruka.

"Transporte ne'e meius atu fasilita deputadu sira tuir mandatu konstituisional ne'ebé dehan, kna'ar ida husi PN atu halo fiskalizasaun, la'os povu mak mai buka ami, ami mak tenke buka povu," dehan Vise Prezidente Parlamentu Nasionál (PN), Maria Angelina Sarmento iha PN, segunda (7/11).

Tanba, planu sosa transporte ne'e, la'os objetivu deputadu sira-nian, maibé meius ne'ebe mandatu konstituisional fó ba Parlamentu Nasional.

Nune’e, estudante sira halo manifestasaun husu atu kansela planu sosa kareta ne'e, laiha lójika, tanba kompara bee moos, estrada, eletrisidade no estudante sira tuir aprendisajen kontinua tur iha rai ne’e, deputadu sira presiza transporte atu hakbesik-aan ba povu.

"Sé ami atu ba, transporte laiha, oinsá bele hatene grupu ida ka aldeia ida iha Baukau, besik iha foho matebian ne'ebá, sira laiha estrada, governu la to'o ba iha ne'ebá haree, eh ne'e ami nia responsbilidade mandatu konstituisional atu ba ho ami nia kna'ar ida hanesan povu nia reprezentante hodi ba buka hatene, nia lojika ne'e ida ne'e de'it," nia esklarese.

Tanba ne'e, tenke hatene katak, kareta ne'e la'os atu fo ba deputadu sira iha kinta lejislatura ne'e, maibé fó ba deputadu foun sira ne'ebe sei tama iha sexta lejislatura.

 "La'os ba ami deputadu sira iha ne'e, ami nia mandatu hela fulan hira de'it atu hotu ona, ne'e duni publiku nia komprensaun dalaruma nia komprensaun sala, sosa kareta ba deputadu sira nova lejslatura, signifika sira atu tama mai, minimu sira iha kondisoens atu halo sira nia servisu, kompara ho ami sira ne'ebe tama iha 2017 ou 2018," nia afirma.

Parlamentu esforsu rai hela kareta foun ba deputadu  foun sira, atu labele mosu situasaun hanesan iha 2017 kuandu deputada foun tama iha PN,  uza de'it kareta privadu durante fulan rua depois hetan kareta operasional husi PN.

Vise PPN mos dúvida ho estudante sira ne'ebe halo manifestasaun kondena loos de'it kareta parlamentu nian ne'ebe tuir mandatu konstituisional, maibé la kondena fali governu nia diretor sira ne'ebe uza kareta nivel hanesan ho deputadu sira nian.

"Hira mak governu la sosa, ita-boot sira haree didiak analiza orsamentu tinan ida ne'e mos akizasaun ba veikulu bs governu nian mos osan milloens de dolares, ida-ne'e sira la haree hetan, ne'e mak la tama iha lojika", afirma nia.

Nune’e, fo hanoin ba estudante sira iha diretu ba liberdade exprensaun, bele hato'o saida de'it, maibé tenke analítiku, labele sein baze, sein halo análiza ba Orsamentu Jeral Estadu (OJE).

Tanba, asaun manifestasaun ba loos de’it   kareta 35 ne'ebe PN sei sosa atu kompleta kareta 30 ne'ebé sosa ona.

Klibur Estudante Progresivu (KEP) no Movimentu Rejisténsia Sosiál (MRS) Postu Administrativu Uatulari Municipiu Vikeke, hamutuk ho Aliansa Maubere Nasional (AMN) halo protest ba planu Parlamentu Nasionál (PN) kona-bá sosa kareta 35 no leptop 65 ba deputadu sira iha kinta lejislatura.

Portavoz KEP-MRS Nelson Da Cruz hatete, sira nia parte rejeita total no husu Parlamentu Nasional atu kansela politika sosa kareta ba deputadu sira.

"Ami reafirma pozisaun katak, rejeita total politika ne'ebe nakonu ho interese pesoál, interese elite, interese partidu no interese grupu", nia protestu iha areador Parlamentu Nasional, segunda (7/11).

Pozisaun KEP-MRS deside kontra, tanba politika ne’e, hanesan traisaun boot ba povu maubere iha era independensia.

Tuir loloos orsamentu ne'ebe ho montante boot ne'e, aloka hotu ba problema sira hanesan estrada, eletrisidade, bee-moos, irigasaun no seitór sira seluk tán. (*)

Rate this item
(2 votes)
Last modified on Tuesday, 08 November 2022 17:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter