"Sé de'it mak halo investigasaun mai ko'alia ho ha'u, se la ko'alia ho ha'u ne'e la'os investigasaun, ne'e presigisaun, ne'e mak ha'u hakarak hatete,"Alkatiri informa iha palasiu prezidensial Bairo Pite, sexta (28/10).

Tanba, ema sira ne'ebe ko'alia barbarak iha média sosial, ne'e bosok ten, liliu mídia bosok ten hanesan Media Center husi CNRT nian, lahatene, maibé inventa ho odiu.

"Ha'u lahaten odiu ema ida, kuandu ema halo sasan di'ak, ha'u hasai sapeo, halo la di'ak ha'u krítika, odiu mak ha'u lahatene," nia klarifika 

Tanba, ko'alia kona-bá Ró Haksolok agora rezolvidu ona, eh ohin enkontru ho Prezidente Republika, José Ramos Horta mos husu ida-ne'e, maibé ne'e rezolvidu ona, tanba ne'e Prezidente Republika se hakarak vizita bele ba vizita.

"Ha'u vizita foin fulan ida, uluk ha'u to'o mai imi husu ba ha'u dehan, fulan-juñu bainhira mak ha'u atu ukun, ne'e la'os prosesu eleitoral la'e, ne'e eleisaun hotu mak nia (ro haksolok) mai," nia haktuir.

Husu públiku atu konsidera prosesu konstrussun husi Ró ne'e, tanba konstrui Ró ne'e la'os hanesan tein etu atu han, nune'e mos Ró ida ne'e sei la kompara ho berlin nakroma, inklui Berlin Ramelau. (*)