"Mai hasoru PR hodi hato'o relatoriu sobre atividade ne'ebe halo iha tasi-mane, progresu servisu daudaun ami hala’o tiha ona perfurasaun mina-matan rua no agora iha terseiru perfurasaun iha metru 1.300 nia kle’an, maibé ne’e postu ida ne’ebé kle’an iha ami nia planu ka programa iha Timor-Leste”, dehan CEO Timor Resource Sullen Osborne iha palasiu prezidensial, Bairo-Pite, kuarta (26/10).

CEO Timor Resource, Sullen Osborne, informa, mina-matan Feto Kmaus no Li’urai mos dadauk iha ona prosesu teste hodi haree kapasidade bá produsaun no tuir planu teste sei halo iha Timor-Leste.

Tanba ne'e, durante halo enkontru ho Xefe Estadu, atualiza mos vizaun kona-bá dezenvolvimentu ne’ebé bele halo iha ne’e, kona-bá harii fabrika atu kria tan oportunidade bá empregu.

Purtantu husi oportunidade servisu ne'ebe Timor Resource iha ne'e, tanba hetan mos koordenasaun ho Autoridade Nasionál Petroleum no Mina-rai (ANPM).

Dadau, Timor Resource hala'o hela faze esplorasaun nian, tanba haree ba mina-matan ne’ebé fura iha poténsia, maibé sei hein tan teste atu haree kapasidade ba iha produsaun.

Pozisaun Timor Resource hato'o progressu servisu hirak ne'e ba Prezidente Repúblika, tanba iha vizaun maka’as tebes, ne’ebé mundu tomak haree nia kapasidade no rona mós nia. (*)