Print this page

PR Horta sei Ko’alia ho PN Haree Hikas Dekretu Lei Subsidiu US$200

By October 25, 2022 816
Osan dolar Amerika. Osan dolar Amerika. Foto suply

Tempotimor (Dili)-Prezidente Repúblika (PR), José Ramos Horta sei haruka tán opsaun ida ba Parlamentu Nasional (PN) atu haree hikas Dekretu Lei kriasaun subsídiu fin do ho valor US$200 ne'ebé atu atribui ba kada família uma ka'in iha teritóriu laran.

"Ha’u sei halo reflesaun didi’ak no sei ko’alia fali ho reprezentate povu iha uma fukun Parlamentu Nasionál atu haree hikas Dekretu Lei ne’e,” dehan Horta iha Kuartél Jenerál F-FDTL Fatuhada, Tersa (25/10).

Tanba, subsidiu fin do ano ne'e, tuir loloos fó de’it ba uma-ka’in sira ne’ebé ki’ak liu ka vulnerável loos, la'os fó fali ba ema hothotu.

Antes ne'e, Prezidente Repúblika (PR), José Ramos Horta rekomenda ona opsaun rua ba Governu no Ajente Estadu kona-bá atribuisaun subsídiu US$200 Fin do anu ba uma-ka'in sira iha teritoriu Timor laran tomak.

Xefe estadu hatete, opsaun ida ne'ebe Governu bele halo maka, oinsa fó subsidiu ba de'it komunidade ne'ebe dezempregu no ho vensimentu ne'ebe ki'ik, ne'e nu’udar solusaun ida atu governu haree.

Solusaun seluk, ajente estadu hotu ne'ebe simu salariu liu US$500 ba leten, ida-idak tenke ho konsiensia atu fó osan ne'e ba sira ne'ebé osan laiha.

Tanba, subsidiu ne'ebé fahe ba populasaun iha fim do ano ne'e, hanesan prezente natal no tinan foun ida ba sira, tanba ne'e hotu-hotu tenke ho konsiensia.

Purtantu dekretu-lei númeru 37/2022, loron 25 maiu, artigu 2, hatete katak, benifisiáriu sira ba subsífiu refere, maka uma-ka'in sira ne'ebé hetan ona rejistu iha livru rejistasaun uma-ka'in iha suku, husi teritóriu nasional tuir termu previstu iha diploma ministerial númeru 49/2017, loron 23 fulan-agostu.

Nune'e ba uma-kain ne'ebé sei hetan subsidiu mak, sira ne'ebé konsege rejista ona ho validu to'o 28 fulan-agostu tinan 2022.

Subsídiu fin do ano ne'e mos sei fahe ho universalmente bazeia ba dekretu ne'ebé governu aprova ona liuhusi Konsellu Ministru (KM). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items