"Ohin ita iha embaixadór naun-rejidénsia tolu, husi Vietname, Noruega no Áustria, ne'ebe mai aprezenta kredensiál ba Prezidente Repúblika, enkuantu Vietname laiha-rejidensia mais hanesan ohin embaixador Vietname hatete ba PR katak, bainhira Timor-Leste tama ona ASEAN, Vietame sei mai loke sira nia embaixada permanente iha Timor-Leste, ida-ne'e konserteza Prezidente agradese tebetebes," dehan nia hafoin akompaña Embaixador naun-rejidensia tolu ba hasoru Xefe Estadu José Ramos Horta iha palasiu prezidensial, segunda (24/10).
Maibé, nasaun repúblika Noruega no Áustria, sira mos hanoin hakarak halo esforsu makas atu iha loron ruma sira bele mai loke sira nia embaixada iha Timor-Leste.
Tanba ne’e, embaxador naun-rejidensia tolu ne'e mos hala'o ona enkontru ho Prezidente Repúblika hodi entrega karta kredensial.
Durante hala'o enkontru ho Embaixador Viatname ne'e, sita mos kona-ba kooperasaun sira, liliu kompaña Telemor, ne'ebe sai hanesan investimentu boot iha Timor.
"Husi telemor ne'e, sira fiar katak, sei atrai tan investidor seluk husi Vietname atu mai investe iha ita-nia rai," nia dehan
Prezidente Repúblika mos enkontru ho republika Austria, tanba nasaun ida ne'e, nu’udar kuadru husi Uniaun Europeia, ne'ebe durante fó apoiu ba Timor-Leste.
Nasaun Austra mós halo ona koopersaun barak ho uniaun Europeia iha ne'ebé sira mos fó apoiu barak mai Timor-Leste liuhusi uniaun Europeia.
Nune’e, Prezidente Repúblika, José Ramos Horta agradese tebes ba nasaun sira ne'ebé iha interese atu mai loke sira-nia embaisada iha ita-nia Timor-Leste. (*)
