Print this page

TIC Timor Sosializa Programa ID Úniku iha UNITAL

By October 20, 2022 1052
Ekipa IDÚ foto hamutuk ho partisipante sira hafoin sosializasaun iha salaun Auditoriu UNITAL, kinta (20/10). Ekipa IDÚ foto hamutuk ho partisipante sira hafoin sosializasaun iha salaun Auditoriu UNITAL, kinta (20/10). Foto Suplay

Tempotimor (Dili)-Ajénsia Teknolojia Informasaun no Komunikasaun, Intitutu Públiku (TIC Timor I.P-sigla Portugéz) hala’o sosializasaun ba implelemtasaun Programa Identidade Únika (IDÚ) ba Dosente, funsionáriu no Estudante sira iha Universidade Nasionál Oriental Timorlorosa’e (UNITAL).

Sosializasaun ho objetivu atu fahe informasaun no lala’ok ID Únika ba nível akadémiku sira oinsá bele rona opiniaun no sujestaun sira ba lala’ok no prosesu implementasaun ba IDÚ iha futuru.

Diretór Ezekutivu Interinu TIC Timor I.P, Justo Fernandes, esplika, objetivu prinsipál husi sosializasaun mak oinsa atu hasa’e ema nia koñesimentu ba implementasaun programa ID Úniku.

“Tanba, iha Timor no nasaun sira seluk problema prinsipál mak dadus duplikadu sira, nune’e ha’u hanoin ida ne’e la’os Timor-Leste de’it mak enfrenta,” dehan nia iha salaun auditoriu UNITAL, kinta (20/10).

Programa ne’e mós sai hanesan programa Governu daualu ninian ne’ebé mai husi Planu Estratejiku Dezenvolvimentu Nasionál, oinsá iha Timor-Leste bele implementa Governun eletronika.

Tanba, dadaun Timor-Leste iha sekulu XXI (21), ne’ebé ko’alia kona-ba teknolojia avansadu sira, nune’e tempu ona atu adopta teknolojia.

“Teknolojia ne’e, iha ninia kontribuisaun boot sei bele oferese ba nasaun, liuhusi ID Úniku ita ko’alia kona-ba e-Comers ninian, oinsa ema halo trazasaun ba merkadoria ninian, ha’u hanoin IDÚ bele responde ida-ne’e, tanba iha ne’ebá ko’alia kona-ba seguransa, oinsá proteje dadus hotu,” nia dehan.

Nia akresenta, IDÚ iha benefísiu prinsipal ba públiku, tanba sei fasilita instituisaun estadu no privadu sira atu bele identifika no hatene sidadaun ida-idak ninia dadus hotu no bele halakon dadus duplikadu sira.

“Ha’u hanoin sosializasaun halo dala barak ona, tanba ne’e halo ona iha Nasionál ba Ministériu sira, ba Universitáriu sira, ba autoridade lokál sira iha Munisipiu no sei kontinua nafatin la’o”, nia informa

Nune’e, Orsamentu ne’ebé aprova dahuluk ba implementasaun programa ID Úniku hamutuk millaun US$3, maibé haree ba programa IDÚ iha benefísiu ba Timor-Leste, entaun Konselu Ministru desidi orsamentu ba IDÚ durante tinan-lima nia laran hamutuk millaun US13.8.

Pro-reitór II ba UNITAL, Arlindo do Céu Fátima mós hatete, sosializasaun ba programa IDÚ iha Universidade importante tebes, tanba bele asiste no akompaña hodi komprende sistema ne’ebé sei utiliza iha rai laran.

“Ha’u husu atu bele akompaña didi’ak hodi asiste aprezentasaun kona-ba IDÚ ne’e, tanba ida ne’e Timoroan rasik mak kria no hlo ba Timoroan sira”, nia dehan

Sosializasaun ne’e, partisipasa direta husi Diretór Ezekutivu Interinu TIC Timor I.P, Justo Fernandes, Diretór Diresaun Identidade Úniku, Florindo Guterres da Costa, Ekipa IDÚ, Pro-reitór II UNITAL, Cirilio Baltazar, Pro-reitór III UNITAL no estudante sira. (*)

Rate this item
(1 Vote)
Last modified on Thursday, 20 October 2022 19:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items