Login to your account

Username *
Password *
Remember Me

FM Husu Komisaun B iha PN Sosializa Lei Investigasaun Kriminál ba Públiku

Diretor Ezekutivu FM, Abel Amaral ho ekipa foto hamutuk ho Prezidente Komisaun B, José Agostinho Siqueira "Somotxo" iha Parlamentu Nasional, kinta (20/10). Diretor Ezekutivu FM, Abel Amaral ho ekipa foto hamutuk ho Prezidente Komisaun B, José Agostinho Siqueira "Somotxo" iha Parlamentu Nasional, kinta (20/10). Foto Tempo Timor

Tempotimor (Dili)-Diretor Ezekutivu Fundasaun Mahein (FM), Abel Amaral husu Komisaun B trata asuntu Defeza ho Seguransa iha Parlamentu Nasional (PN), atu hala'o sosializasaun ba públiku, kona-bá Lei Organizasaun no Investigasaun Kriminál (LOIK) ne'ebé antes ne'e, hetan ona aprovasaun no promulgasaun husi Prezidente Repúblika.

"Lei aprova no promulgadu tiha ona, eh agora implementa dadauk ona, maibé FM nia haree lei ne'e mós seidauk sosializa másimu, públiku seidauk hatene didi'ak, entaun ami husu ba Komisaun B para oinsá mak lei ne'e bele sosializa no instituisaun ne'ebe bele sosializa," dehan Abel hafoin remata audensia ho Komisaun B iha Parlamentu Nasionál, kinta (20/10).

Tanba, tuir observasaun no peskizasaun husi Fundasaun Mahein nian haree katak, lei organizasaun investigasaun kriminál hetan reajen husi komunidade, sosiedade no husi públiku, tanba sira ladun kontente ho lei ne'e.

Aleinde ne’e, iha mos instituisaun balun ne'ebé ladun intende didi'ak no balun to'o lakontenti, tanba servisu ne'ebé sira halo durante tinan 20, agora dinimui tiha husi sira ba fali instituisaun seluk.

Tanba ne'e, Fundasaun Mahein aprezenta ona finding ba Komisaun B, ligadu ho lei ne'e rasik no husu mos ba komisaun B, atu haree poténsia, konflitu, dezentedimentu ka desmotiva ne'ebé bele akontese iha instituisaun sira hanesan Polísia Nasional Investigasaun Kriminál (PNSIK) ho Polísia Sienrífika no Investigasaun Kriminal (PSIK).

Tanba, tuir observasaun públiku no fundasun mahein nian ba lei ne'e, problema mak iha kompeténsia.

Tanba ne'e, FM hala'o ona audénsia ho Komisaun B hodi rona hanoin saida mak bele armoniza lei ne'e, nune'e instituisaun rua ne'e, labele iha dezentimentu ka konflitu ruma iha future.

Maibé, komisaun B mos fo ona esplikasun katak, lei ne'e mai la'os atu hamosu konfuzaun, maibé atu halo kompleta koordenasun servisu entre instituisaun sira- nian ho objetivu asegura lei no justisa.

"Ohin komisaun B fó esplikasaun di'ak eh ami apresia no sira mos husu atu fundasaun mahein, kontinua halo monitorizasaun, observasaun, peskiza ba asuntu sira liga ho defensor seguransa," nia esplika.

Maske nune'e, Fundasaun Mahein mos hakarak hato'o agradese boot ba Parlamentu Nasional, liliu Komisaun A, ne'ebé konsege iha inisiativa ida halo Lei Organizasaun Investigasaun Kriminal (LOIK). (*)

 

Rate this item
(0 votes)
Last modified on Thursday, 20 October 2022 22:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter