Login to your account

Username *
Password *
Remember Me

PR Horta Aranka Ona ba Camboja Hodi Hametin Relasaun Amizade

Prezidente Repúblika (PR), José Ramos Horta akompña husi Primeiru Ministru (PM), Taur Matan Ruak iha Aeroportu Internasional Prezidente Nicolao Lobato, Komoro, tersa (18/10). Prezidente Repúblika (PR), José Ramos Horta akompña husi Primeiru Ministru (PM), Taur Matan Ruak iha Aeroportu Internasional Prezidente Nicolao Lobato, Komoro, tersa (18/10). Foto Suplay

Tempotimor (Dili)-Ohin loron tersa (18/10), Prezidente Repúblika (PR), José Ramos Horta ho ekipa delegasaun aranka ona ba Repúblika Camboja, atu hametin relasaun amizade, tanba simu konvite husi Liurai Sua Majestade Preah Bat Samdech Preah Boromneath NORODOM SIHAMONI.

Tuir komunikadu ne'ebe fó sai husi Gabinete Prezidente Repúblika katak, vizita xefe estadu nian ne’e, sei hala'o durante loron hat, hahú husi (loron 19 to'o loron 21 fulan-outubru tinan 2022), atu reforsa no hametin liutan relasaun amizade, tanba republika Camboja nu’udar mos parseiru Timor-Leste nian.

Tanba, antes ne’e, iha mandatu dahuluk José Ramos Horta hanesan Prezidente Repúblika iha periodu 2007-2012 mos hala'o ona vizita ba Reino Camboja no momentu ne'ebá Timor-Leste realiza interkambiu vizita altu nivel lubuk ida no bei-beik entre Timor-Leste Camboja.

Iha tinan 2013, Eis-Primeiru Ministru, Kay Rala Xanana Gusmão mós hala'o ona vizita ofisiál ba Camboja no Repúblika Camboja ho Timor-Leste hala'o relasaun ne’ebe di'ak tebes.

Tuir observasaun www.tempotimor.com iha terenu katak, serimonia deslokasaun husi xefe estadu ba Kambodia ne'e hetan partisipa direta husi Primeiru Ministru (PM), Taur Matan Ruak, Ministru Asuntu Parlamentar no Komunikasaun Sosial (MAPKomS), Francisco Jerónimo, Ministru Justisa (MJ), Tiago inklui membru governu sira seluk iha Aeroportu Internasional Prezidente Nicolao Lobato, Komoro.

Purtantu, Prezidente Ramos-Horta sei fila hikas mai Timor-Leste iha loron 23 fulan-outubru tinan 2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter