Login to your account

Username *
Password *
Remember Me

PM Taur Prefere Investigasaun ba Vise MI ho MJ

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak prefere loke investigasaun ba Vise Ministru Interiór (MI) António Armindo no Vise Ministru Justisa (MJ), José Edmundo Caetano atu hatene motivu husi intervensaun ba kazu partidu KHUNTO iha edifisiu Servisu Nasionál Investigasaun (SNI).

“Husik bá investigasaun mak hatene no ida-ne’e mak ha’u sujere no ha’u prefere atu prosesu investigasaun mak kobre,” dehan PM Taur hafoin sorumutu ho Xefe Estadu, José Ramos Horta iha palasiu prezidensiál, kinta (13/10).

Tuir vídio ne'ebé virál iha media sosial hatudu Vise-MI, António Armindo ho Vise-MJ, José Edmundo Caetano halo akompañamentu ida ho Konselleiru Másimu partidu KHUNTO, José dos Santos “Naimori Bucar” hodi bá iha edifísiu SNI atu buka hatene osan fíziku ho montante US$130.000 ne’ebé autoridade sira halo apreensaun iha Aeroportu Internasionál Komoro, iha fulan-outubru tinan 2022.

Maske públiku kestiona membru Governu balun ne'ebé tun direta halo interfere justisa nia servisu, maibé Primeiru Ministru esklarese sei mantein fó konfiansa bá nia membru Governu sira, tanba bazeia bá prezunsaun inosénsia.

“Konserteza sei mantein konfiansa bá membru Governu sira ne’e, tanba kaer bá prinsípiu prezunsaun inosénsia no ita iha Tribunál para deside,” Taur afirma.

Purtantu Xefe Governu mos rejeita atu fó komentariu ba informasaun Vise-Ministru Interior no Vise Ministru, Justisa hato'o pedidu atu ezonera Diretór Nasional Informasaun Interna servisu Nasional Intelijénsia (SNI), Ajente Xefe Polísia Gastão Piedade, tanba nia laiha koiñesimentu ba ida-ne'e.

“Ha’u laiha koñesimentu no komu ha’u laiha koñesimentu, entaun ha’u labele halo komentáriu ba ida-ne’e,” nia dehan

Vise Ministru Justisa (MJ), José Edmundo Caetano, hatete kona-ba aprezenta karta atu ejonera Diretór Nasional Informasaun Interna servisu Nasional Intelijénsia (SNI), Ajente Xefe Polísia Gastão Piedade ne'e la'os kompeténsia, tanba ne'e prefere husu ba Ministériu Interior.

"Ne'e la'os ha'u nia kompeténsia, ne'e so interior sira-nia kompeténsia, ha'u dehan husu ba interior, ha'u lahatene, husu ba sira," nia esklarese. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter