Login to your account

Username *
Password *
Remember Me

SEKOOP Selebra Kontratu ho Kompaña 25 ba Implementasaun Cesta Bázika

SEKOOP, Elizário Ferreira foto hamutuk ho na’in ba kompaña sira hafoin selebra kontratu, Akait, kuarta (12/10). SEKOOP, Elizário Ferreira foto hamutuk ho na’in ba kompaña sira hafoin selebra kontratu, Akait, kuarta (12/10). Foto Tempo Timor

Tempotimor (Dili)-Sekretariadu Estadu Kooperativa (SEKOOP) iha loron kuarta (12/19) konsege selebra ona kontratu ho kompaña manan na'in hamutuk 25, atu distribuisaun ai-han lokál liu husi programa Cesta Bázika iha munisípiu Manatutu, Baukau, Vikeke no Lautem.

"Ohin lorkaik ne'e, ha'u asina e selebra kontratu ho kompaña hamutuk 25, ba área Baukau, Vikeke, Manatutu, ho Lospalos," dehan Sekretariu Estadu Kooperativa (SEKOOP), Elizário Ferreira ba www.tempotimor.com iha kna’ar fatin, Akait, kuarta (12/10).

Durasaun kontratu ho kompaña 25 ne'e, sei válidu to'o 31 Dezembru 2022, tanba bazeia ba ezekusaun orsamentu jeral estadu anuál ne'ebé sei termina iha 31 Dezembru.

Objetivu husi selebrasun kontratu ho kompaña sira ne'e, atu garante prosesu implementasaun ba programa Cesta Bázika ho di'ak.

Purtantu iha semana oin, Sekretariadu Estadu Kooperativa mos sei asina tán kontratu ho kompaña 40-resin, nune'e bele hala'o distribuisaun Cesta Bázika iha área Kovalima, Ainaro, Aileu no Manufahi.

"Nune'e bele garante katak, to'o fin de dezembru ne'e, nia bele termina distribuisaun, tanba ne'e mak ami selebra kontratu sira-ne'e," nia hatete

Alende ne’e, projetu distribuisaun Cesta Bázika ne'e iha 15 mak iha hela faze re-tenderizasaun atu bele distribui ai-han lokál ba populasaun.

Tanba, Ministériu Turizmu Komérsiu no Industria (MTCI) ho Sekretariadu Estadu Kooperativa (SEKOOP) mak sai hanesan ministériu implementadór iha ne'ebé sira hala'o ona koordenasaun ba muníspiu sira.

 

Tanba ne'e, SEKOOP sei responsbiliza Munsípiu Manatutu, Baukau, Vikeke, Lautem, Manufahi, Covalima, Ainaru, Aileu inklui metade husi Rejiaun Administrativu Espesial Oekusi Ambeno (RAEOA).

Maibé, ba distribuisaun ba RAEOA ninia implementadu ona, tanba orsamentu transfere hotu ona no hein de'it ninia ezekusaun no parte mai fali iha ne'e nia prosesu konklui ona para atu tama ona ba faze aselera distribuisaun.

“Prosesu ne'e konklui ona, at ka di'ak, sira tenke simu, tanba parte iha ne'e Komisaun Distribuisaun Cesta Bázika so bele kumpre de'it mak lei ne'ebé vigora," nia afirma

Nune’e, Sekretariu ESstadu Kooperativa hakarak hato’o mensajen ba kompaña sira tenke servisu ho fuan, tanba distribuisaun ne'ebé sira halo, la'os halo ba ema fuik ho leet, maibé ba maluk no família timoroan sira, ho produtu ne'ebé kualidade hodi asegura populasaun sira-nia saúde bainhira konsumu hahan Cesta Bazika.

"Ne'e mak mensajen badak ne'ebé Sekretariu Estadu Kooperativa hato'o ba kompaña manan na'in sira ba distribuisaun Cesta bázika," mensajen Elizário. (*)

Rate this item
(1 Vote)
Last modified on Wednesday, 12 October 2022 19:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter