Print this page

OJE 2023 Aloka Millaun US$28.3 ba MNEK

By October 11, 2022 753
Osan Dolar Amerika. Osan Dolar Amerika. Foto Suplay

Tempotimor (Dili)-Proposta Orsamentu Jerál Estadu (OJE) tinan 2023 nian, aloka millaun US$28.3 ba Ministériu Negósiu Estranjeiru no Kooperasaun (MNEK).

Tanba ne'e, Ministra Negósiu Estranjeiru no Kooperasaun (MNEK), Adalzija Magno hamutuk ho ekipa hala'o ona audénsia ho Komisaun B trata asuntu Negosiu Estranjeiru no Defeza ho Seguransa iha Parlamentu Nasional hodi klarifika rajaun fundmentu sira no halo mós avliasaun ba ezekusaun OJE tinan 2022 nian molok komisaun hlo apresiasaun ba relatoriu sektorial.

"Audensia ho Komisaun B hanesan tinan-tinan, ita ko'alia kona-ba proposta orsamentu ba 2023, nomos halo avaliasaun ba ezekusaun Orsamentu 2022, nune’e iha tinan ne'e, ami iha aumentu ida signifikativu tebes husi US$24.6 sa'e ba millaun US$28.3," dehan Ministra Magno iha parlamentu nasional, tersa (11/10).

Tanba, haree ba dadus ezekusaun MNEK nian iha tinan 2022 atinji pursen 80-resin husi orsamentu millaun US$24.6.

Husi ezekusaun ida-ne'e, hatudu duni rezultadu signifikativu ne'ebé di'ak bazeia ba programa, tanba ne'e pakote englope fiskal 2023 ba MNEK hetan aumentu ba millaun US$28.3.

Orssmentu Jeral Estadu ba MNEK aumenta, tanba sei haree ba prioridade barak liu hanesan operasional ba embaixada sira, asegura vizibilidade timor nian, iha area multibilateral nomos ba asistensia konsulares, inklui kooperasaun husi MNEK kada loron.

Alende ne’e, asegura mos adezaun ba Asosiasaun Nasoens Sudeste Aziátiku (ASEAN) ne'ebe Timor-Leste sei adere iha tinan oin, tanba ne'e MNEK presiza halo preparasaun sira-ne'e, inklui loke rekrutamentu ba funsionáriu tékniku profesionál sira.

Ministériu Negosiu Estranjeiru no Kooperasaun sei asegura mos diplomata sira hodi kontinua halo programa promosaun ba investimentu liuhusi halo ekonómia diplomasia liliu servisu importante ida ne'ebe MNEK bele halo mak oinsá asegura investimentu mai timor hodi fasilita ekonómia rai laran.

"Tanba, ita-nia ekonómia no osan mina mós menus ba dadauk, ita tenke atrai investimentu para mai diversifika ita-nia ekonómia nomós aumenta tán reseita hodi governu bele uza filafali ba operasionál lorloron nian," nia afirma. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items