Login to your account

Username *
Password *
Remember Me

MAPKomS Aprezenta Planu Harii Institutu Formasaun ba PM Taur

Ministru Asuntu Parlamentár no komunikasaun sosial (MAPKomS), Francisco Martins Jerónimo. Ministru Asuntu Parlamentár no komunikasaun sosial (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no komunikasaun sosial (MAPKomS), Francisco Martins Jerónimo, aprezenta planu atu harii institutu formasaun ba komunikasaun sosial no multimedia ba Primeiru Ministru (PM), Taur Matan Ruak.

"Mai hato'o ba PM, kona-ba bainhira mak atu harii institutu formasaun ba komunikasaun sosial no multimedia, entaun ohin ha'u aprezenta relatoriu ho estudu ba PM hodi haree, no ami diskuti oituan oinsa ninia progresu ba iha future, tanba agora ko'alia kona-ba sustentabilidade, se mak atu sustenta hodi husik hela ba futuru, ekonomikamente ne'e iha dalan ka lae, bele moris ka lae, ho ida ne’e ita kuidadu no ha'u mai aprezenta ba PM i ha'u entrega ba PM nia desizaun", dehan Ministru Francisco hafoin sorumutu regular iha Rezidensia ofisiál PM Farol, Segunda (03/10).

Hafoin aprezenta Primeiru Ministru mós husu opiniaun, nune’e governate ne’e esplika katak, atu hari institutu formasaun, presiza halo preparasaun ba rekursu ne’ebé di’ak, tanba hakarak atu garante sustentabilidade ba futuru.

"Eestudu ne'e rasik, problema ekonomikamente, sustentabilidade ba futuru, atu jere ida ne'e, presiza rekursu ne'ebé mak tenke di'ak, maibé to’o oras ne'e seidauk iha preparasaun. Ita iha sentru de formasaun ba jornalista sira hanesan Ceftek, maibé ita seidauk haree dook i ita tenke haree dook no halo preparasaun ne'e dook, entaun presiza tempu", nia informa

Nune'e, Primeiru Ministru mós simu ona ideia ne’e no hein iha sorumutu tuir mai hodi halo diskusaun kle’an liu tán atu bele foti desizaun ikus.

Alende ne’e, MAPKomS mós aprezenta informasaun kona-ba atu entrega rai ba konstrusaun edifísiu foun Parlamentu Nasionál, ne’ebé Parlamentu rasik husu ona atu entrega rai iha parete Hera.

“Ami rua halo diskusaun oituan, i ha’u informa ba PM kona-ba diskusaun teknika ne'ebé ha'u lidera, ho Ministériu sira seluk iha semana kotuk, hodi hare ou posibilidade saida mak bele halo para atribui lalais tiha rai ne'e ba PN”. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter