Print this page

Komunidade Konstrui Uma Tenke fó Espasu ba Ambulânsia ho Bombeiru

By September 30, 2022 7559
Xefe Bankada FRETILIN David Dias Ximenes 'Mandati'. Xefe Bankada FRETILIN David Dias Ximenes 'Mandati'. Foto Suplay

Tempotimor (Dili)-Xefe Bankada FRETILIN David Dias Ximenes 'Mandati' husu Governu fó orientasaun komunidade sira iha Sidade Dili, atu konstrui uma, tenke husik espasu, labele taka dalan ba Transporte públiku hanesan Ambulansia no Bombeiru.

"Hanesan ita-nia Primeiru Ministru mos dehan tiha ona sei haree fali sira seluseluk tan, hadi'a fali hanesan iha Dili laran, uma dada sa'e malu de'it, tanba uma sira kuandu ita halo tenke iha mos pontu rua ne'ebé tenke hanoin mak ida-ne'e karik moras ruma ambulância tama halo nusa, karik ahi han uma ruma bombeiru sira tama halo nusa," dehan Mandati iha PN, sesta (30/09).

Tanba, bainhira mosu problema ruma iha komunidade sira-nia let, ida-ne'e seguransa sira tama halo nusa, buat hirak ne'e presiza hanoin, nune'e labele hamosu difikuldade ba seguransa sira atu ba atua problema iha terenu.

Maske, Governu implementa hela programa uma kbi'it la'ek iha Teritóriu, maibé husu mós ba Governu atu iha planu tenke haree fali sira ne'ebe ho kondisaun uma la di'ak, tenke haree apoiu no labele husik sira laiha nafatin de'it.

"Hanesan agrikultór sira asveses ba foho hetan ita nia maluk sira uma la di'ak, buat sira-ne'e ha'u hanoin, nusa osan sira ne'e la tau hamutuk, hanesan uma kbi'it La'ek iha ona, haree tan fali sira seluk," dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items