Login to your account

Username *
Password *
Remember Me

MAPKOMS ho Entidade Téknika Deskute Atribuisaun Rai ba Edifísiu PN

Edifisiu Parlamentu Nasional. Edifisiu Parlamentu Nasional. Foto Suplay

Tempotimor (Dili)-Ministru Asuntu Parlamentár no Komunikasaun Sosiál, (MAPKOMS), Francisco Martins da Costa Pereira Jerónimo hahú organiza reuniaun ho entidade téknika sira iha loron kinta (29/09) hodi deskute prosesu atribuisaun rai ba instalasaun edifísiu Parlamentu Nasionál (PN) foun iha futuru.

"Reuniaun ohin ne'e, atu konsolida ministériu sira hotu-hotu para atu haree oinsá fó solusaun ba pedidu husi PN relasiona ho Raí, nune'e iha futuru halo instalasaun ba edifísiu Parlamentu nian, ne'ebé tuir informasaun no tuir saida mak PN deside iha Hera, entaun ohin ami halo diskusaun posibilidade saida mak Governu bele halo para halo atribuisaun ba PN, ida-ne'e mak ami deskute," dehan Ministru Jerónimo ba jornalista iha gabinete MAPKOMS, palásiu Governu, Dili, kinta (29/09).

Reuniaun Téknika dahuluk ne'e, envolve mos Ministeriu Justisa, tanba iha ne'eba iha Kadastrais ne'ebé levanta kona-bá rai, nomós Ministeru Obras Públika (MOP) ko'alia kona-bá servisu enjineiru sira, Miniatériu Ordenamentu no Planemanetu (MPO) ne'e ko'alia kona-bá ordena rai inklui parte Sekretariu Estadu ambiente nian hodi haree no estuda ambiental kona-bá impaktu husi projetu ne'e rasik, depois envolve mós husi parte Agrikultura, tanba ko'alia kona-bá ai horis no aí han sira ne'ebe iha rai leten.

Maibé, MPO mos halo ona planeia atu sidade labele iha Dili laran de'it, maibé tenke mós promove ba parte seluk.

“Eentaun ami halo deskusaun sira ne'e hodi haree hela atu fó solusaun, nune'e mós ami sei aprezenta alternative ba Prezidente Parlamentu Nasionál, depois nia mak hili ida ne'ebé mak di'ak," nia afirma

Agora kona-bá fatin fiksu ne'ebe PN deside ne'e mak Hera, maibé teknikamente governu haree iha buat balun no sei aprezenta ba Prezidente PN, atu fo nia hanoin.

"Maibé se sira deside mak kontinua Hera ami laiha problema, Governu nafatin haree saída mak bele halo," nia dehan

Tanba, kona-bá harii edifísiu PN, tuir planu husi Parlamentu Nasional katak, iha 2023 ne'e hakat ona ba faze lansamentu ba fatuk dahuluk, maibé husi governu mos iha komitmentu nafatin konklui proeesu atribuisaun ida-ne'e molok fulan dezembru remata.

Tanba ne'e, governu sei fó opsaun ba Presidente PN tuir pedidu ne'ebé deside iha Hera, maibé Governu mós sei entrega opsaun ida tan mak rai iha Metinaru.

Adjuntu Sekretariu Jerál Parlamentu Nasionál, João Rui Amaral, hatete, dadauk Parlamentu Nasionál rasik seidauk halo alokasaun orsamentu, tanba Raí seidauk difinidu.

"Tanba, ita ko'alia kona-bá rai, kuandu difinidu tiha ona mak foin bele halo planu sira ne'e, Rai laiha ita atu aloka orsamentu ne'e ba saida, ne'ebé presiza iha Rai lai. Agora Raí ne'e mak ami ohin ko'alia hela mais sei lori fali mai segundu Volta nian," nia esklarese

Tuir loloos, kestaun Raí ne'e iha área Hali-Dolar Suku Hera, tanba ne'e reuni atu trasa ona planu hodi hala'o servsiu ninian, maibé mosu fali alternativa seluk mak hanoin ne'e kompetensia Ministru nian atu aprezenta fali ba PN.

Purtantu iha reuniaun tékniku dahuluk kona-ba konstrusaun edifisiu foun ba Parlamentu Nasionál iha Hali Dolar, Hera, ne'e hetan partisipasaun masimu husi reprezentante Ministru Justisa, Ministru Administrasaun Estatál, Ministru Planu no Ordenamentu, Ministru Obras Públikas, Ministru Agrikultura no Peskas, Finansas, Sekretáriu Estadu Ambiente, Sekretáriu Estadu Terras no Propriedades, Sekretáriu Estadu Peskas, nomos ekipa tekniku husi Ministeriu relevante. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter