Tuir Informasaun ne'ebé www.tempotimor.com asesu kinta (29/09) katak, karta notifikasaun ne’e hato’o ona ba konsumidór sira iha loron 22 fulan-fetembru 2022, hodi fó tempu ba konsumidór ho prazu loron 10 atu mai halo rejistu ba ita boot sira-nia ligasaun nomos ba kliente sira ne’ebé iha ona metru kontadór atu bele mai selu tarifa bee moos.
Nune'e husu ba komunidade hotu ne'ebé asesu bee mós atu kontribui selu tarefa no labele dada bee ilegál iha ida-idak nia uma laran.
"Daudaun, BTL, E.P sei halo hela melloramentu sistema bee moos iha aldeia refere, tanba ne’e, husu ita boot sira atu bele mai halo rejistu, wainhira ita boot sira la kumpri notifikasaun ne’ebé BTL, E.P hato’o ona, mak BTL, E.P sei hakotu ita boot sira-nia ligasaun bee", haktuir iha komunikadu
Tanba ne'e, husu ba komunidade sira atu kolabora nafatin servisu bee moos iha Timor-Leste hodi fornese bee moos ba komunidade sira iha kapitál Dili. (*)