“Kareta ne’e agora iha partrimóniu do estadu, ami seidauk simu rezultadu diagnóstiku atu hadi'a nian ne'e," dehan nia iha Palásiu Governu, kinta (29/09).
Tanba, atu hadi'a kareta Vise PPN ne'e presiza iha rezultadu diagnóstiku ruma husi parte kompetente hodi fo ba Parlamentu Nasional atu haree no deside hadi'a ou lae.
Asidente ne'ebé Vise PPN ho nia família enfrenta ne'e akontese iha tuku 8 kalan, loron kuarta (17/08), bainhira halo viajen ho karreta Parlamentu Nasonal nian ho sapa matrikula PN 2 ne'ebé konduz husi Vise Parlamentu nia katuas oan rasik.
Akontesimentu ne’e, rezulta ema na’in-4 mak sai vítima hanesan Vise Prezidente Parlamentu rasik sofre hirus matan, kanotak no ain rua (la tohar), Vise nia katuas oan inklui oan mane no oan feto hetan mós sofre oituan iha akontesimentu refere.
Motivu husi asidente ne’e, tanba Vise Prezidente PN nia katuas oan kondus kareta hola liuhusi estrada ninin no raí mamar hodi rezulta karreta baku fila. (*)