Print this page

Governu Sei Submete Proposta OJE 2023 ba PN iha Loron 3 Outubru

Osan Dolar Amerika. Osan Dolar Amerika. Foto Suplay

Tempotimor (Dili)-Prezidente Komisaun C Trata asuntu finansa públika, deputada Maria Angelica Rangel hatete, posibilidade governu sei submete proposta-lei Orsamentu Jerál Estadu (OJE) tinan fiskál 2023 ba Parlamentu Nasionál (PN) iha loron 3 fulan outubru.

Maske, lei enkuadramentu orssmentál (LEO) hatete, submisaun OJE tenke aprezenta iha loron 1 outubru, maibé tinan ida-ne'e loron 1 fulan-outubru monu iha loron sábadu entun governu sei submete iha 3 outubru.

"Sim ida-ne'e ita hotu hatene katak, depois ita halo alterasaun ba lei jestaun finseira, ita mós ih lei enkuadramentu orsamentál, katak iha dia 1 de outubru, governu tenke submete ona orsamentu mai iha PN, maibé tinan 2022 komú 1 de outubru monu iha sábadu, entaun governu sei hatama iha dia 3 otubru, tanba governu sei mai entrega osan iha loron ne'ebé servisu hanesan babain," dehan Deputada Rangel iha PN, kinta (22/09).

Iha lei enkuandramentu orsamental mos hatete, antes governu submete orsamentu mai PN, governu tenke aprezenta uluk lei grande opsaun iha fulan agostu nia-laran.

Maibé, hanesan públiku hotu hatene foin lalais iha fulan agostu, governu mós submete ona lei grande opsaun ne'ebé defini ona tetu orsamentu 2023, nune'e OJE ne'ebé governu sei aprezenta iha loron 3 outubru ne'e, sei halo aliñamentu ho Lei da Grandes Opsoens. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items