Print this page

Ingrid Bucens Husu Governu Asegura Obra Jornalistiku Max Stahl

By September 20, 2022 455
Saudozu Max Stahl. Saudozu Max Stahl. Foto Suplay

Tempotimor (Dili)-Espoza saudozu Max Stahl, Ingrid Bucens, husu ba governu, ne'ebe lidera husi Primeiru Ministru (PM), Taur Matan Ruak, atu asegura obra Jornalistiku Max Stahl nian, tanba kondisaun edifísiu sentru audivizual Max Stahl Timor-Leste (CASMTL) dadaun la permite atu rai obra sira iha laran.

"Ohin ami mai iha ne'e, atualiza atividade no situasoens iha CASMTL ba Primeiru Ministru, tanba edifísiu sentru CASMTL nia la seguru atu rai ekipamenntu obra jornalistiku Max Stahl nia, tanba tempu udan, udan been tama", dehan Espoza Saudozu Max Stahl, iha rezidensia ofisiál PM Farol, Tersa (20/09).

Husu mós governu atu toma atensaun urjenti ba difikuldade edifísiu CASMTL hodi asegura uluk obra jornalistiku hirak ne'e, molok buka fatin ou edifísiu permanente ba CASMTL

Ezistensia CAMSTL ho objetivu atu prezerva no divulga kolesaun audiovizuál ne’ebé dokumenta períodu rezisténsia, durante akontesimentu sira no hafoin referendu no tinan dahuluk independénsia to’o ba loron ohin.

Saudozu Max Stahl hanesan autór ba filmajen Masakre Santa Cruz ne’ebé akontese iha loron 12 novembru 1991, ho naran lolos Cristopher Wenner ho naran koñesidu Max Stahl, hakotu iis iha loron 28 outubru 2021, iha Brisbane, Austrália. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items