Print this page

Deputadu Duvida ho Adidu Lakohi Hasoru Timoroan iha Portugál

Prezidente Komisaun G António Verdial. Prezidente Komisaun G António Verdial. Foto Suplay

Tempotimor (Dili)-Komisaun G ne'ebé trata asuntu edukasaun Juventude, kultura no sidadánia iha Parlamentu Nasionál (PN) duvida ho adidu edukasaun iha portugál, ne’ebé lakohi ba hasoru estudante timoroan sira viajen husi Coimbra ba Embaxada Timor-Leste iha Portugál.

"Husu mos ba adidu edukasaun iha portugal, adidu ne'e ha'u atu ko'alia loloos de'it, depois de ita-nia oan sira sai husi Coimbra ba iha portugál, hatene ona katak sira ba ho kareta, sira-nia viajen longa tebtebes, to'o ba iha ita-nia embaixada, adidu lakohi hasoru sira, ha'u lahatene loos tanba saida lakohi hasoru sira," dehan Prezidente Komisaun G António Verdial iha plenária PN, segunda (19/09).

Tanba, pesoál sira husi embaxada Timor-Leste iha Portugal rasik kontaktu kedas mai deputadu, no husu atu apoiu ho orientasaun ruma husi governu, atu adidu ne'e pelumenus ba hasoru netik estudante timoroan sira iha ne'ebá.

Ba preokupasaum ne'e, parte Komisaun G la hatene lina koordenasaun entre Ministeriu Negósiu Estranjeiru no Kooperasaum ho entidade adidu sira atu simu estudante timoroan sira ba iha ne'eba ne'e oinsa ona, inklui husu mos embaxadór TL iha portugál se bele tau matan ba situasaun ne'e.

"Nune'e mós ba MNEK, ha'u lahatene kordenasaun, kooperasaun entre entidade sira-ne'e to'o iha ne'ebe, husu mós Embaixador TL akreditadu iha Portugal, atu bele atende netik ita-nia oan sira," nia husu. (*)

Rate this item
(0 votes)
Last modified on Monday, 19 September 2022 19:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items