Print this page

PR Horta Konsulta PM Taur, Antes Desloka ba Nova Iorke

By September 19, 2022 550
PR, José Ramos Horta ho PM, Taur Matan Ruak, ko’alia hela iha rezidensia PM Farol, segunda (19/09). PR, José Ramos Horta ho PM, Taur Matan Ruak, ko’alia hela iha rezidensia PM Farol, segunda (19/09). Foto Suplay

Tempotimor (Dili)-Prezidente Repúblika (PR), José Ramos Horta konsulta Primeiru Ministru (PM), Taur Matan Ruak nia hanoin, antes desloka ba Nova Iorke iha loron 21 Setembru tinan 2022.

"Ha'u agradese ba Primeiru Ministru (PM), Taur Matan Ruak, ne'ebé ohin simu ha'u iha ne'e, ohin mai iha ne'e, ha'u mak oferese an atu ko'alia ho PM, tanba bairua 21/09/2022 ha'u aranka ba Nova Iorke. Tan ne'e, ha'u hakarak rona preokupasaun governu nia husi PM, eh asuntu ruma governu hakarak tau iha prezidente nia diskursu iha Nova Iorke", dehan Horta, iha Rezidensia PM Farol, Segunda (19/09).

Tanba, dadaun prepara ona diskursu no bainhira remata sei haruka ba iha Primeiru Ministru atu haree, antes ne'e, konsulta hotu ona ho Ministeriu Negósiu Estranjeiru no Kooperasaun (MNEK).

"Asuntu ne'ebé sei ko'alia iha asembleia jerál mak asuntu nasionál ne'ebé hakerek kona-ba maneira Timor-Leste enfrenta ho efikasia prevensaun covid-19", nia afirma

Aleinde ne’e, Xefe Estadu mós sei ko’alia kona-ba situasaun funu Ukrania ne’ebé fó impaktu ba situasaun internasionál.

Nune’e mós preparasaun Timor-Leste nian atu tama Asosiasaun País Sudeste Aziátiku (ASEAN, sigla inglés) no Organizaun Mundiál Komersiál (WTO, sigla inglés).

“Primeiru-Ministru fó liberdade totál ba Prezidente Repúblika atu ko’alia, maibé ha’u nu’udar Xefe Estadu ha’u lako’alia nu’udar ha’u-nia naran pesoál, ha’u lori naran Estadu, entaun ha’u-nia diskursu kuaze bele hateten relatóriu ida hosi Timor-Leste nian ba komunidade internasionál kona-ba progresu iha paz no seguransa iha rai-laran, inklui iha polítika toleránsia rekonsiliasaun Timor-Leste”. (*)

Rate this item
(0 votes)
Last modified on Monday, 19 September 2022 14:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items