Print this page

Embaixadór TL Branco Simu tán Misaun ba Afrika ho Angola

Embaixadór Timor-Leste (TL) ba Mocanbique, Francisco Miranda Branco. Embaixadór Timor-Leste (TL) ba Mocanbique, Francisco Miranda Branco. Foto Suplay

Tempotimor (Dili)-Embaixadór Timor-Leste (TL) ba Mocanbique, Francisco Miranda Branco iha loron segunda (19/09) simu tán misaun diplomátika husi Prezidente Repúblika (PR), José Ramos Horta hodi hala'o kobertura mós ba iha nasaun Afrika Súl ho Angola.

"Misaun diplomátika RDTL iha Mocanbique tuir desizaun Konsellu Ministru, muda mós misaun diplomátiku ba Afrika do Súl ho Angola, presiza fila-fali sua exelénsia prezidente repúblika dekreta fali Afrika do Súl ho Angola hanesan misaun diplomátika ne'ebé Timor-Leste ninia rejidénsia iha Mocanbique, halo kobertura mós," dehan Branco hafoin asina termu pose iha palásiu prezidente repúblika,  Bairo Pite, segunda (19/09).

Tanba, Timor-Leste nia misaun Diplomasia iha nasaun rua ne'e uluk importante tebes, maibé hetan kanselamentu, tanba iha lapsu oituan.

Maibé, agora Estadu Timor-Leste deside hikas ona katak, misaun diplomásia iha Mocanbique, maibé sei hala'o kobertura mós ba nasaun Afrika Súl ho Angola.

Tanba ne'e, atu prienxe lapsu ida-ne'e maka xefe estadu tenke dekreta fali misaun diplomata ba iha nasaun rua ne'e.

"Agora desizaun husi estadu, ita-nia misaun diplomátika ne'e iha Mocanbique halo kobertura mós ba nasaun rua ne'e," nia dehan

Ba misaun diplomasia Timor-Leste nian klaru katak, misaun diplomásia ba area ekonómika nian, tuir polítika governu nian agora, tanba iha fatin hotu-hotu misaun mak halo mobilizasaun rekursu atu hatama investidor.

"Tuir ami nia haree, iha área barak, liliu Turízmu, Infraestrutura, ida-ne'e mk barak liu, mandatu ne'e depende desizaun polítika Nasionál," dehan nia.

Tanba ne'e xefe estadu, José Ramos Horta husu atu hala'o misaun diplomatika ida ne'e ho di'ak, nune'e bele lori investimentu mai rai laran.

"Halo servisu di'ak liután, hodi mobiliza rekursu, atu bele mai investe iha ita-nia rai," nia haktuir. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items