Print this page

Horta Vizita Ospitál Royal Darwin Hanoin Hikas 'Fitar' iha 2008

By September 14, 2022 539
Prezidente Repúblika (PR), José Ramos Horta. Prezidente Repúblika (PR), José Ramos Horta. Foto Suplay

Tempotimor (Dili)-Prezidente Repúblika (PR), José Ramos Horta iha loron sábadu (10/09) hala'o vizita espesiál ida ba Ospitál Royal iha sidade Darwin-Austrália, hodi hanoin hikas fitar ne'ebé akontese ba nia iha tinan 2008.

Tanba Ospital Royal Darwin sai hanesan fatin ne’ebé Xefe Estadu simu tratamentu intensivu, bainhira hetan tiru husi Grupu Petisionáriu iha loron 11 fulan-fevereiru tinan 2008 iha ninia rezidénsia Metiaut, Díli.

“Momentu ne'ebá ha'u nem se quer hanoin ba ida-ne'e, tanba ha'u konsege mentalmente, emosionalmente ultrapassa problema sira-ne'e. Iha ne'ebá, ha'u nem hanoin loron ida, ha'u hela iha ne'e ka hela iha kotuk, kuartu ida-ne'e ka kuartu ida-ne'ebá, ha'u foka atensaun de'it ba ospitál ne'e sira-nia ekipamentu, ijiene di'ak loos, mós loos, doutór sira kompetente loos, emfermeiru sira trata moras sira di'ak teb-tebes”, dehan Horta liuhusi Komunikadu Imprensa ne'ebé www.tempotimor.com asesu husi Gabinete Prezidénsia Repúblika, segunda (12/09).

Xefe Estadu realiza vizita ida-ne'e tanba hakarak haree sistema iha ospitál sira iha Austrália, maibé felidmente iha lei no regulamentu Austrália nian forte loos, hodi regula atendimentu husi profissionál saúde ba pasiénte sira.

Durante iha vizita, Prezidente Repúblika hatete presiza aplika regulamentu hanesan ne'e iha Timor-Leste no haforsa investimentu iha Ospitál Nasionál Guidu Valadares, nune’e bele garante ijiene, atendimentu no respeitu husi profissionál saúde ba pasiénte sira.

Tanba hanesan públiku tomak akompaña klaru katak maske Timor-Leste iha ninia rasik mak Ospitál Guido Valadares maibé problema ne'ebé mak afeta mak management “jestaun”, diresaun ospitál, iha mós ministériu saúde, no muda Ministru ba mai tanba polítika, hatama Vise-ministru tanba partidu, hatama Sekretáriu Estadu tanba partidu, la'ós tanba kualidade, la'ós tanba kurríkulu, depois laiha espíritu ekipa.

Tuir loloos iha ospitál hothotu servisu hamutuk, tanba se la'e iha ospitál dada problema oioin, problema partidáriu problema polítika hotu, ida-ne'e difísil teb-tebes. Entaun Ospitál Nasionál Guido Valadares iha doutór no enfermeiru kualifikadu, maibé presija hadi'a mak jestaun. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items