Login to your account

Username *
Password *
Remember Me

Ohin, PR Horta Aranka ba Austrália Hanesan Konvidadu Espesiál

Prezidente Repúblika (PR), José Ramos Horta. Prezidente Repúblika (PR), José Ramos Horta. Foto Suplay

Tempotimor (Dili)-Prezidente Repúblika (PR), José Ramos Horta, ohin segunda (05/09) sei aranka ba hala'o vizita Estadu iha Austrália hanesan konvidadu husi Governu Austrália nian.

“Australia no Timor-Leste mak viziñu besik no belun besik. Vizita ne'e sei sai hanesan oportunidade ida atu hametin parseria no amizade entre ita-nia nasaun sira no esplora dalan sira ba kooperasaun ne'ebé kle'an liután iha dezenvolvimentu ekonómiku, defeza no seguransa, edukasaun, mobilidade traballu no inisiativa rejionál sira”, dehan Horta liuhusi Komunikadu Imprensa ne'ebé www.tempotimor.com iha gabinete Prezidente Repúblika, segunda (05/09).

Tanba Prezidente Repúblika hato'o ho laran-haksolok ba konvite husi Governadór Jerál Austrália nian The Han David Hurley AC DSC (Retd).

Vizita husi Xefe Estadu nian sei hala'o durante husi loron 6 iha Austrália (hahú husi loron 6 to'o 11) fulan-setembru 2022.

Tuir ajenda, Prezidente Repúblika sei hahú vizita Estadu nian iha Canberra, Sydney no Darwin.

Purtantu iha Canberra, PR sei hala'o uluk sorumutuk ho Governadór-Jerál, Hon Anthony Albanian MP. Primeiru Ministru Austrália no Senador Hon Penny Wong, Ministru ba Asuntu Estranjeiru.

Nune'e Prezidente sei hato'o mós diskursu boot rua durante nia vizita, iha Canberra, nia sei ko'alia ba ema ne'ebé National Press Club no iha Sydney Institutu Lowy.

Aleinde Embaixada Timor-Leste iha Austrália mós sei organiza resepsaun ida iha Canberra hodi fó onra ba Prezidente Republika Ramos Horta ne'ebé sei filafali ba Timor-Leste liuhusi Darwin.

Maibé to'o iha Darwin iha ne'ebá mós Xefe Estadu sei hasoru nia onra ba Onoravel Vicki OHalloran ao Administradór Territóriu Norte no Hon Natasha Fyles MLA, Xefe Ministru Territoriu Norte.

Enkuantu Xefe Estadu mós sei vizita Ospital Royal Darwin, Eskola Peskiza Saúde Menzies, Sentru Nasionál Kuidadu Krítiku no instalasaun LNG. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter