Print this page

PR Horta ‘Entrega’ Oportunidade ba Joven Hala'o Marsa Saudavel

Populasaun no konvidadu sira partisipa hela serimónia Komemorasaun loron Konsulta Popular ba dala-23 iha jardim 5 de maiu, tersa (30/08). Populasaun no konvidadu sira partisipa hela serimónia Komemorasaun loron Konsulta Popular ba dala-23 iha jardim 5 de maiu, tersa (30/08). Foto Suplay

Tempotimor (Dili)-Prezidente Repúblika (PR), José Ramos Horta hatete, nia parte hakarak entrega oportunidade ba joven sira atu hala'o atividade marsa saudavel iha ámbitu komemerasaun loron konsulta Popular ba tinan-23.

“Ha'u husu deskulpa, ha'u la partisipa iha marsa saudavel, tanba ha'u fó ba ita-boot sira joven mak halo marsa ne'e”, dehan Horta iha ámbitu komemerasaun loron konsulta Popular ba tinan-23 iha jardim 5 de maiu, tersa (30/08).

Ho hanoin ne'ebé iha, mak Xefe Estadu husu deskulpa tanba nia labele partisipa iha atividade marsa saudavel ne'ebé hala'o husi rotunda Prezidente Nicolao dos Reis Lobato ba to'o fatin serimónia Komemerasaun konsulta Popular iha Jardin 5 maiu Kolmera.

Maibé ho onra boot, Xefe Estadu hakarak hato'o ksolok boot tanba bele partisipa iha oras serimónia iha Jardim 5 de maiu hodi selebra  loron konsulta Popular iha Timor-Leste.

Ba Komemorasaun ida-ne'e, Xefe Estadu hakarak agredese mós ba Ministru Administrasaun Estatál (MAE) no Prezidente Komisaun Organizadora, Minguel Pereira do Carvalho tanba konsege organiza atividade ida-ne'e iha teritóriu laran tomak.

“Parabéns ba Administrasaun Estatal ne'ebé organiza atividade lubuk ida iha teritóriu nasionál tomak e mós agradese no Parabéns ba Instituisaun Estadu, sosiedade sivíl, setór privadu sira hothotu ne'ebé partisipa e kolabora”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items