Pedidu ne'e Sekretariu Estadu hato'o iha sorumutu ho Ministra Armanda Berta dos Santos hodi ko'alia kona-ba serguransa sosiál ba traballadór sira iha Bayu-Undan.
"Objektivu husi sorumutu ne’e Sekretáriu Estadu informa hela sujestaun balun husi traballadór Timor-oan sira ne’ebé durante ne’e serbisu iha Bayu-Undan kona-ba kestaun kontribuisaun ba seguransa sosiál nian," dehan Sekretáriu Estadu Julião da Silva, Segunda (04/11/19).
Iha sorumutu ne'e, Julião husu mós posibilidade husi MSSI hodi haruka ekipa Seguransa Sosial atu vizita trabaladór Timor-oan ne'ebé durante ne'e serbisu iha Bayu-Undan.
Entretantu, Ministra Armanda promete atu orienta parte ne'ebé hola pozisaun ba seguransa sosiál atu tau atensaun.
"Ministra sei orienta ba instituisaun relevante atu tau atensun ba kestaun ida ne’e, no iha tempu badak sei ba halo vizita iha Bayu-Undan hodi observa direita kondisaun trablladór sira nian," dehan Armanda.
Bazeia ba Lei Rejime Laboral ne’ebé foin daudauk hetan promulgasaun husi Prezidente Repúblika, ho razaun ida ne’e maka SEFOPE kontinua tau preokupasaun hirak ne’e iha prátika no esforsu atu manifesta ba iha Ministériu relevante hirak ne’ebé iha.