Login to your account

Username *
Password *
Remember Me

PR Horta 'Lakohi' F-FDTL Tuir ‘Interese’ Partidu

Prezidente Repúblika (PR), José Ramos Horta. Prezidente Repúblika (PR), José Ramos Horta. Foto Suplay

Tempotimor (Dili)-Prezidente Repúblika (PR), José Ramos Horta, lakohi Falintil-Forsa Defeza Timor-Leste (F-FDTL) tuir interese Partodu Polítiku no individuál, maibé defende instituisaun Demokrátiku sira.

“Relijiaun no mundu iha ne’ebé de’it, misaun forsa armada nian loloos mak defende konstituisaun rai ne’e ninian, defende ba instituisaun demokrátiku tuir konstituisaun, tuir órgaun eleitu, la tuir partidu polítiku no la tuir ema individuál, dehan Horta liuhusi nia diskursu iha ámbitu selebrasaun aniversáriu Forsa Armada Libertasaun Nasionál (FALINTIL) ba da-47 iha Palásiu Governu, sábadu (20/08).

Tanba kada F-FDTL, konstituisaun hatudu dalan ba sira, atu la'o tuir juramentu ne’ebé halo ba bandeira no konstituisaun katak hametin dame no serví povu.

Iha papél ne'ebé F-FDTL kaer metin, mak tempu pás no tempu ne'ebé funu, maibé ba ema no sivíl ka militár tenke iha komportamentu, tau iha sira-nia ulun no kakutak ho fuan, karik iha liafuan no sentimentu ruma, ida-ne’e sira iha forsa atu kontribui hametin dame iha rai ida-ne'e.

Iha aniversáriu FALINTIL ba dala-47 ida-ne'e mós halo daudaun ona misaun simples balun hodi apoiu Governu no povu, liliu iha atividade sívika mak hanesan Unidade Enjeñaria no unidade Médika.

Maibé ba apoiu hirak ne'e, tuir posibilidade no kondisaun ekonómiku Timor-Leste nian no kondisaun ne’ebé tuir programa Ministériu Defeza no F-FDTL.

Iha tinan 2000 kuandu ba Munisípiu Aileu, Kay Rala Xanana Gusmão ses-an husi komandu FALINTIL, no iha momentu ne'ebá premiu Nobel da pas entrega duni medalla Nobel da Pás ba Xanana atu lori povu nia naran, iha Oslo, tinan 1996.

“Ha'u entrega ba Xanana tanba momentu ne’e nia mós ses-an nu’udar Komandante FALINTIL no entrga medalla ne’e ba Taur Matan Ruak, komandante FALINTIL ne’ebé simu todan husi Xanana Gusmão, husi Taur Matan Ruak entrega ba Lere Anan Timur, no Lere entrega ba Falur Rate Laek”, Horta esplika.

Entretantu iha Komemorasaun refere, Prezidente Repúblika, José Ramos-Horta deside kondekora Xefe Estadu Maiór Jenerál Forsa Armada husu Repúblika Portugál Almirante, António Manuel Fernandes da Silva Ribeiro, no Xefe Estadu-Maiór Jenerál Forsa Armada husi Commonwealth Austrália, Jenerál Angus Campbell no Xefe Estadu Maiór Jenerál Forsa Armada husi Repúblika Indonézia, Jenerál Andika Perkasa ho Medalla Méritu. (*)

Rate this item
(0 votes)
Last modified on Monday, 22 August 2022 10:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter