Login to your account

Username *
Password *
Remember Me

Horta Husu PN ‘Follow Up’ Akordu Timor-Leste ho Indonézia

Prezidente Repúblika (PR), Jose Ramos Horta dada lia hela ho Prezidente Parlamentu Nasionál (PN), Aniceto Longuinhos Guterres Lopes. Prezidente Repúblika (PR), Jose Ramos Horta dada lia hela ho Prezidente Parlamentu Nasionál (PN), Aniceto Longuinhos Guterres Lopes. Foto Suplay

Tempotimor (Dili)-Prezidente Repúblika (PR), Jose Ramos Horta husu Prezidente Parlamentu Nasionál (PN), Aniceto Longuinhos Guterres Lopes atu follow up akordu rua kona-ba hari’i zona komérsiu livre no parking Industria inklui dokumentu Fraternidare Umana ne'ebé antes ne'e Xefe Estadu RDTL ho Repúblika Indonézia diskute.

“Seu Prezidente Parlamentu Nasionál atu halo vizita ba Jakarta ho Parlamentu Indonézia e ami ko'alia kona-ba buat balun ke ha'u halo breefing ba Prezidente para mós bele halo breefing ba nia kolega Prezidente Parlamentu Indonézia kona-ba relasaun Estadu rua ne'e, follow up ba vizita ne'ebé ha'u halo”, dehan nia hafoin hala'o vizita ba Parlamentu Nasionál, kuarta (17/08).

Husi akordu ne'ebé Estadu rua sei halo kona-ba hari’i parking industria no Zona Komérsiu Livre iha fronteira ne'e tenke halo ba oin.

Tanba Prezidente Repúblika Indonézia Jokowi Dodo rasik, la gosta ko'alia de'it, maibé nia ko'alia ne'e nia hakarak haree implementasaun.

Nune'e prosesu halo besik iha área Nusa Tengara Timur (NTT) nian entaun Governur NTT mós hakarak aselera prosesu ida-ne'e oinsá haree hahú ko'alia konkretu ona kona-ba prosesu rua ne'e.

Prezidente Repúblika rasik informa ona ba Ministru Prezidénsia Konsellu Ministru (MPKM), Fidelis Leite Magalhães no Ministru Finansa Rui Gomes inklui Ministru Koordenadór ba Asuntu Ekonomiku (MKAE), Joaquim Amaral nomós semana kotuk liuba ko'alia ona ho Primeiru Ministru, Taur Matan Ruak atubele, follow up akordu ida-ne'e.

Nune'e Governu bele prepara dadaun proposta ne'ebé Prezidente Jokowi Dodo halo entermu kona-ba kria no hari’i parking industrial iha fronteira Suai ho NTT, nomós hari’i zona Komérsiu Livre iha Oekussi ho NTT.

Tanba asuntu ne'e ko'alia liu kona-ba interese nasionál entaun nu’udar Xefe Estadu sei ko'alia mós ho Sekretáriu Jerál Partidu FRETILIN, Mari Bim Amude Alkatiri nomós Prezidente Partidu CNRT, Kay Rala Xanana Gusmão.

“Aban, ha’u hasoru Maun boot Xanana, iha ami-nia reuniaun regular, ha'u sei halo breefing ba nia, tanba buat sira-ne'e kestaun Estadu e interese ba Timor, ba ita-nia dezenvolvimentu e ba ita-nia ekonómia no modernizasaun”, hatete nia.

Dadauk Timor-Leste mós iha hela prosesu preparasaun besik atu tama ona ba ASEAN, entaun presiza halo buat ruma ho kreatividade liután.

“Ne’e duni mak ha'u mós halo breefing ba seu Prezidente Parlamentu, nia kolega sira iha ne'ebá husu karik ida-ne'e Parlamentu Indonézia sei fó apoiu, ida fali mak Prezidente mós sei ko'alia ho nia kolega sira iha Parlamentu Indonézia kona-ba inisiativa Fraternidade Umana”, afirma nia.

Tanba Timor-Leste nu’udar Estadu dahuluk liuhusi ninia Parlamentu hasai rezolusaun Parlamentu nian kona-ba Fraternidade Umana, bazeia na dokumentu husi Amu Papa.

Prezidente Parlamentu Nasionál, Aniceto Longuinhos Guterres Lopes hatete, nia parte simu vizita no audénsia husi Prezidente Repúblika hodi ko'alia asuntu liga ba vizita ne'ebé PN sei hala'o ba Repúblika Indonézia.

“Husi reuniaun ne'e ami audénsia babain ko'alia asuntu Estadu ninian, liliu tanba loron rua tan ha'u ho delegasaun atu ba Indonézia, ba vizita Dewan Perwakilan Rakyat (DPR), ne'ebé ha'u husu orientasaun mós, e pontu ruma ne'ebé liga ba asuntu Estadu nian ne'ebé ha'u bele ko'alia mós, ne'e mak ami iha audénsia ida-ne'e”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter