“Sua eselénsia Prezidente hakarak atu labarik feto ida hola pozisaun nu’udar Prezidente hodi komemora loron mundiál ba labarik feto ne'ebé sei monu iha dia 11 outubru”, dehan Country Director Plan International Timor-Leste (PITL), Dillyana Ximenes, iha Palásiu Prezidensial Bairo Pite, kuarta (17/08).

Ba inisiativa ida-ne'e, Plan International Timor-Leste (PITL) sente apresia tanba Prezidente Repúblika (PR), José Ramos Horta rasik hola inisativa atu promove labarik feto sira.

Maibé kona-ba data bainhira mak Plan Internasional mai aprezenta labarik feto atu hola pozisaun ida-ne'e sei rona husi Xefe Estadu.

Tanba uluk iha tinan rua liubá mós parte Plan Internasional aprezenta duni labarik feto ida husi Maubise, Munisípiu Ainaru, hodi ba hola pozisaun nu’udar Xefe Estadu.

Maibé tinan ida-ne'e Plan Internasionál sei haree filafali iha Munisípiu Aileu, no husi aldeia ka suku  ne'ebé ne'e sira seidauk identifika.

“Ne'e ami-nia labarik esponsor sira ne'ebé durante ne'e hamutuk ho plan”, hatete nia. (*)