Dekretu-Lei ne'e aprezenta direita husi Ministru Prezidénsia Konsellu Ministrus, Fidelis Manuel Leite Magalhães, ba Konsellu Ministru hodi halo diskusaun no aprovasaun.

“Ho diploma ne’e, hakarak atribui ba institutu públiku ne’e, tuir Programa Governu nian, responsabilidade boot ba nível formasaun ne’ebé kualifikada ba rekursu umanu iha Administrasaun Públika, liliu hodi fó programa sira lideransa nian no programa kapasitasaun avansada iha Administrasaun Públika”, dehan Ministru Prezidénsia Konsellu Ministru (MPKM), Fidelis Leite Magalhães, iha Palásiu Governu, kuarta (17/08).

Nune’e, misaun foun INAP nian ba nível formasaun profisionál iha Administrasaun Públika ne’e hakarak reforsa formasaun profisionál hanesan instrumentu estratéjiku modernizasaun no transformasaun ba Administrasaun Públika, liuhusi estabelesimentu área estratéjika sira ba formasaun. (*)