Print this page

Sekretariadu Anúnsia Timor-Leste Sai Membru ASEAN iha 2023

Minístra Negósiu Estranjeiru no Kooperasaun (MNEK), Adalzija Albertina Xavier Reis Magno. Minístra Negósiu Estranjeiru no Kooperasaun (MNEK), Adalzija Albertina Xavier Reis Magno. Foto Suplay

Tempotimor (Dili)-Minístra Negósiu Estranjeiru no Kooperasaun (MNEK), Adalzija Albertina Xavier Reis Magno hatete, Sekretáriadu ASEAN anunsia ona katak, Timor Leste (TL)  sei sai membru ba ASEAN (Association of Southeast Asian Nations) iha tinan 2023.

“Sim rona ona rezultadu pozitivu nee mak sira hatete halo ita ba sai membru ASEAN ne’e, tanba rezultadu ba pilares tolu ne’e rezultadu pozitivu tebes kerdijer ita halo progresu ida ne’ebé mak di’ak ba dezenvolvimentu, sira seidauk fó rezultadu formal ba ita maibé sira fó verbalmentenba ita iha rezultadu pozitivu, tanba ne'e mak horbainhira sira anunsia tiha ona katak buat hotu la’o di’ak tinan oin sira bele bemvinda ka bele simu ona ita”, dehan nia ba jornalista sira iha Palásiu Governu, kuarta (17/08).

Antes ne'e, MNEK konversa ona ho Sekretáriadu ASEAN katak iha ona Progressu ne'ebé di'ak hodi tama ba ASEAN.

“Foin dadauk ha'u halo visita ba Kambodia ho Ministru Negósiu Estranjeiru ASEAN nomós ASEAN ho nia parseiru sira, ha'u  ko’alia rasik ho sekretariadu ASEAN nian, no sira hatete dunik katak ita halo progresu di’ak, ho rezultadu di’ak tebes”, dehan nia.

Maibé ba rekursu umanu no rekursu kresimentu ekonomia, sei presiza kapasita liután, bainhira tama ba membru ASEAN.

“Entaun bazeia ba ida-ne’e mak sira labele tama mai iha rezerva em termus rekursu umanu, em termus de kresimentu ekonomia no buat hotu ita tenke halo servsiu maka’as liután hodi kapasita liután ita-nia rekursu umanu tanba orsida sai Membru ASEAN ne’ebé mak union ne’e barak los bele to’o fali millaun-rihun-ida kada tinan tinan”, afirma nia.

Tanba iha loron, 10-13 fulan-novembru tinan 2023 sei halo Simeira Sekretariadu ASEAN sei pronunsia ona hodi anúnsia formalmente sai membru ba ASEAN. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items