Login to your account

Username *
Password *
Remember Me

KNSTL ho NU-NTT Aprezenta Programa Hari’i Ramu Musulmanu ba Horta

Vise Konsellu Nasionál Izlamika Timor-Leste (KNSTL), Adulan Inasio António Soares, no bainaka Nahdlatul Ulama, Nusa Tenggara Timur (NU-NTT) atende hela entrevista husi jornalista sira iha Palásiu Prezidensiál Bairo Pite, kuarta (17/08). Vise Konsellu Nasionál Izlamika Timor-Leste (KNSTL), Adulan Inasio António Soares, no bainaka Nahdlatul Ulama, Nusa Tenggara Timur (NU-NTT) atende hela entrevista husi jornalista sira iha Palásiu Prezidensiál Bairo Pite, kuarta (17/08). Foto Suplay

Tempotimor (Dili)-Vise Konsellu Nasionál Islamika Timor-Leste (KNSTL) akompaña bainaka Nahdlatul Ulama (NU), Nusa Tenggara Timur (NTT) iha loron kuarta (17/08) hasoru malu ho Prezidente Repúblika (PR), José Ramos Horta hodi aprezenta programa organizaun musulmanu kona-ba hari’i ramu iha Timor-Leste.

“Hanesan ohin ita-nia maluk balu husi Nahdlatul Ulama (NU), sira aprezenta sira-nia programa, no ami hanesan uma-na'in, ami mós aprezenta ita-nia Estadu ou Governu konstitusionál, ida ne'ebé mak presiza ita respeitu, serake ita-nia Timor no Musulhumanu presiza ita respeitu no toleránsia moris iha nasaun ida ne'ebé mak iha nia unidade iha país ne'e”, dehan Vise KNSTL, Adulan Inasio António Soares iha Palásiu Prezidensiál Bairo Pite, kuarta (17/08).

Bainaka hirak ne'e mós hala'o ona vizita ba iha fatin KNSTL hodi ko'alia kona-ba programa ida-ne'e maibé parte KNSTL rasik fó ona esplikasaum no aprezenta Lei no konstitusionál Timor-Leste.

Timor-Leste nu'udar país ne'ebé mak independénsia, presiza respeitu, no relasaun Bilaterál entre Timor-Leste ho indonezia.

Tanba ne'e Programa hari’i ramu ne'ebé tuir planu sei halo iha Timor-Leste, ne'e seidauk bele realiza, tanba presiza kumpre rekejitu no nia prosesu ne'e naruk, la fasil.

“Presiza prense rekejitu ne'ebé mak Timor-Leste hatur ona iha ninia sistema, nomós iha Lei ne'ebé diferente, tanba ne'e presiza respeitu”, afirma nia.

Maibé agora foin tama iha faze konsolidasaun, nune'e sira-nia programa hirak ne'e mós hato'o ona ba Prezidente Repúblika, José Ramos Horta.

“Hanesan horisehik ha'u hatete ba sira katak, ita atu kompaña lokál ne'e, ita presiza prense rekejitu lubuk boot ida ne'ebé mak atubele hetan lisensa husi estadu”, esplika nia.

Diretór Tetoriál NU-NTT, Ibrahim Arif hatete, ho onra bo'ot tebes tanba bele hasoru malu ho Prezidente Repúblika, Josá Ramos Horta hodi aprezenta kona-ba vizaun sira ne'ebé NU sei halo atu kontribui ba estabilidade no paz.

“Onra tebes bele hasoru malu ho Prezidente Repúblika Timor-Leste, José Ramos-Horta. Objetivu husi vizita ida-ne’e atu haklean diskusaun sira ne’ebé iha liga ho servisu hamutuk ne’ebé NU sei halo atu kontribui ba pas no estabilidade entre nasaun rua”, haktuir nia.

Dadauk iha ajenda lubuk ida mak parte NU aprezenta ba Xefe Estadu hodi halo mós esplikasaun klean kona-ba objetivu prinsipál iha sorumutu ne’e mak NU hakarak hahú haree kondisaun balun atubele estabelese mós NU nia ramu iha Timor-Leste.

“Oras ne'e dadaun organizasaun Muslumanu NU nia ramu iha ona nasaun 74 no hein katak Timor-Leste sei sai nasaun 75 ne’ebé NU estabelese nia ramu ba”, afirma nia.

Dadauk misaun importante ne’ebé NU oras ne’e halo mak oinsá tau importánsia ba Direitu Umanu no kombate tráfiku umanu inklui negósiu ilegál sira ne’ebé lori risku ba sosiedade.

NU nia servisu tomak foka liuba Direitu Umanus, toleránsia, igualidade tuir konseitu Prezidente Repúblika, José Ramos Horta nia ba promove fraternidade umana. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter