Tuir informasaun ne’ebé www.tempotimor.com, asesu iha pájina MAE, tersa (15/08) katak, objetivu husi enkontru ne'e atu partilla informasaun husi Governu Sentrál no atividade ne'ebé mak Relasiona ho Ministériu Administrasaun Estatal, hodi implementa iha Postu Administrativu Luro mak hanesan sirkulasaun Orsamentu Estadu, progresu konstrusaun uma Kbi'it-Laek Regular no UKL+ tinan 2022 husi PNDS, PMOPA, PMOHA, Sesta bázika, Bolsa da Mãe, Eleisaun Parlamentar, no Eleisaun Lideransa komunitária, ikus liu hodi rona perkupasauan husi Lideransa Komunitária iha Postu refere ne'ebé durante sira enfrenta.
Vise Ministru MAE mós husu atu Lideransa Komunitária sira iha Munisípiu Lautein hodi partisipa másimu iha programa servisu ne'ebé husi Governu Sentral liuhusi Ministériu Administrasaun Estatál hodi hala’o enkontru ruma.
Tanba iha Lei númeru 9/2016 hatete klaru ona kona-ba Lideransa Komunitária ho nune'e kompeténsia Lideransa komunitária husi A to Z hodi bele aselera no koordena hamutuk servisu di’ak liután ho Governu Sentrál.
Enkontru refere partisipa no marka prezensa mós husi Administradór Postu Administrativu Luro, Reprezentante PNTL iha Postu Administrativu Luro, Lia-na’in, Veteranu, Joventude, Lideransa Komunitária sira iha Postu Luro hamutuk ho Konsellu Suku nomós Komunidade sira iha Postu refere. (*)