Login to your account

Username *
Password *
Remember Me

Ohin, PR Horta Lansa Sensu Populasaun no Uma-Ka’in 2022

Sensus populasaun no uma-ka’in 2022. Sensus populasaun no uma-ka’in 2022. Foto Espesial

Tempotimor (Dili)-Prezidente Repúblika (PR), José Ramos Horta, ohin (15/08) ofisialmente lansa sensus populasaun no uma-ka’in 2022, ne’ebé sei realiza iha loron 4 fulan-setembru to’o loron 5 fulan-outubru 2022.

Tuir ajenda ne’ebé www.tempotimor.com, asesu husi Diresaun Jerál Estatístika-Ministériu Finansas Parlamentu Nasionál, segunda (15/08) katak, serimónia lansamentu ne’e, sei aprezenta mós relatóriu husi Komisaun Tékniku ba Sensus Populasaun no Uma-Kain 2022.

Iha lansamentu ne’e Sei hetan partisipasaun husi Primeiru Ministru, Taur Matan Ruak, UN Resident Coordinator iha Timor-Leste, Roy Trivedy, membru Governu sira inklui mós entidade sira.

Ba sensun populasaun ne’e, ekipa Diresaun Jerál Estatístika ne’ebé lidera husi Diretór Elias dos Santos Ferreira hanesan mós Prezidente Komisaun Tékniku Sensu 2022, hamutuk ho ekipa RTTL halo gravasaun vídeu Mensajen husi Prezidente Parlamentu Nasionál, Aniceto Longuinhos Guterres Lopes.

Ho vídeo Mensajen ne’e nia objetivu mak atu enkoraja sidadaun Timoroan sira hodi partisipa iha atividade nasionál Sensu Populasaun no Uma-ka’in 2022 ne’ebé sei realiza iha loron 4 fulan-setembru to’o loron 5 fulan-outubru iha territóriu Timor laran tomak.

Ba atividade gravasaun vídiu Mensajen ne’e sei halo mós ho Prezidente Repúblika, José Ramos Horta, Primeiru Ministru, Taur matan Ruak, nu'udar Prezidente Komisaun Nasionál Sensu Populasaun no Uma-ka’in 2022, Ministru Finansas nu’udar Vise-Prezidente Komisaun Nasionál, Arsebispu Arkidioseze Metropolitana Díli no entidade sira relevante.

Tanba atividade nasionál kada tinan lima ne’e mak ba dahaat iha istória Timor-Leste depoisde Governu anteriór sira realiza ona iha tinan 2004, 2010 no 2015.

Iha OJE 2022, Governu aloka orsamentu millaun $3,1 hodi apoiu atividade nasionál ne’e. Aleinde ne’e, Governu mós hetan apoiu orsamentu adisionál husi UNFPA $777,3 mil, UNICEF $56 mil, UNDP $25 mil, UN Women $24 mil no WFP $20 mil. Totál orsamentu hamutuk millaun $4,1. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter