Ba selebrasaun Loron Mundial Juventude UNICEF mós fó Parabens ba juventude sira hotu iha Timor-Leste.

Tanba Tema ba Loron Mundial Juventude 2022 maka “Solidariedade Interjerasional: kria mundu ida ba idade hotu-hotu.”

Iha-ne’e, UNICEF serbisu hamutuk ona ho Sekretáriu Juventude no Desportu atu fornese kapasitasaun no asistensia ba membru grupu juventude iha Timor-Leste.

“Ami ajuda establese ona Parlamentu Juventude Timor-Leste ho apoiu husi Prezidente José Ramos-Horta no apoia ona dezenvolvimentu kapasidade ba membru sira; serbisu ho Alumni Parlamentu Foinsa’e Timor-Leste, Asosiasaun Defisiésia Timor-Leste konsentra ba juventude ho defisiênsia, “Hamutuk Ita Rezolve” juventude kolektivu no jornalista foin-sa’e sira iha rádiu komunidade sira”, deklara komunikadu ne’ebé www.tempotimor.com, asesu iha pájina UNICEF, segunda (14/08).

UNICEF mós apoia asaun s atu hasa’e konsiénsia no prevene violénsia hasoru feto foinsa’e sira liuhusi Inisiativa Spotlight, no ajuda ona dezenvolve formasaun kona-ba abilidade sékulu 21 ba juventude sira.

“Ami kompromete atu kontinua serbisu hamutuk ho adolexente no juventude sira iha Timor-Leste”, haktuir komunikadu ne’e. (*)