Ministru Prezidente Konsellu Ministrus, Fidelis Leite Magalhães hatete, projetu Rezolusaun Governu ne’ebé aprezenta husi Ministra Negósius Estranjeirus no Kooperasaun, Adaljiza Albertina Xavier Reis Magno, ne’ebé aprova akordu entre Governu Repúblika Demokrátika Timor-Leste nian no g7+.
Tanba ne’e, kona-ba montante, finalidade no uzu ba subsídiu ne’ebé atu fó husi Repúblika Demokrátika Timor-Leste ba organizasaun intergovernamentál.
Ho akordu ne’ebé asina husi parte rua iha loron 21 fulan-marsu tinan 2022, ninia objetivu atu kontribui ba atividade sira g7+ nian, Governu sei fó, entre tinan 2022 no 2027, montante dolar amerikanu millaun ida, tinan-tinan.
“Subsídiu ida-ne’e tenke uza ba promosaun kooperasaun nian entre Estadu-Membru sira no ba finansiamentu despeza sira funsionamentu g7+ nian no ba organizasaun husi reuniaun ministériu nian tinan-tinan”, esplika Fidelis. (*)