Tanba, tuir Governante ne’e katak, dadaun ne’e, sidadaun Indonézia sira tama mai iha Timor-Leste ho viza on arrival ne’e la selu, sira tama mai ho gratuita, maibé timoroan atu ba Indonézia parte autoridade Indonézia, obriga aplika selu kurtu viza ona arrival.

“Ita hetan ona orientasaun husi Primeiru Ministru, para ha’u atu halo fali rezolusaun ida, para anula tiha rezolusaun ida uluk ninian, atu nune’e hahú aplika fali kustu ba viza on arrival, ba sidadaun Indonézia sira tama iha Timor-Leste tenke ne’e selu viza on arrival”, dehan Vise Ministru Interior (VMI), António Armindo, iha nia kna’ar fatin Vila Verde, tersa (09/08).

Antes ne’e, aplikasaun kustu labele selu vistu on arrival ne’e rasik, parte Governu rai rua Timor-Leste no Indonézia iha konsensu iha tempu pademia Covid-19 iha ámbitu aplikasaun Estadu Emerjénsia. 

Tanba ne’e, Ministru Interior liuhusi Vise Ministru halo rezolusaun tuir konsesus ne’ebé iha katak, sidadaun Indonézia tama mai uza viza on arrival labele selu kustu viza on arrival.

“Ita haruka ona karta ba e Ministériu Negósiu Estrajeiru Koopersaun (MNEK) atu halo koordensaun ho Embaixada Indonézia kona-ba ida-ne’e. Kuandu aban aprova ona iha Konsellu Ministru, naturalmente Primeiru Ministru asina ona rezolusaun ida-ne’e, Servisu Migrasaun (SM) implementa ona, ba oin nasaun rua ne’e tenke selu ona viza on arrival”, esplika nia.

Ba kustu ba sidadaun Indonézia tama mai uza viza on rival selu de’it kurstu $35 tuir lei migrasaun nia. (*)